ჯოკოვიჩს პირველი ადგილი უნდა

რამდენიმე დღის წინ, პროფესიონალ ჩოგბურთელთა ასოციაციის (ATP) განახლებულ რეიტინგში სერბმა ნოვაკ ჯოკოვიჩმა პირველი პოზიცია დაუთმო ესპანელ რაფაელ ნადალს.

მოახლოებული წლის შემაჯამებელ ტურნირზე ჯოკოვიჩს შეუძლია ლიდერობის დაბრუნება. ამისთვის მას სჭირდება ჯგუფურ ეტაპზე ორი მატჩის მოგება და შემდეგ ტიტულის მოპოვება. არსებობს პირველი ადგილის დაბრუნების სხვა ვარიანტებიც. ეს დაკავშირებულია პარალელურად რაფაელ ნადალის გამოსვლაზე.

„პირველ პოზიციაზე დაბრუნება ძალიან რთული ამოცანაა იმის გათვალისწინებით, რა ძალის მეტოქეები დამიპირისპირდებიან. თუ მე შევძლებ ზედიზედ მეორე სეზონის პირველი ჩოგანის რანგში დასრულებას, ეს იქნება, უბრალოდ, ფანტასტიკური შედეგი. ყოველდღე აზრი ამის შესახებ დიდ მოტივაციას მაძლევს“, - განაცხადა ჯოკოვიჩმა სააგენტო „როიტერთან“ კომენტარში.

წლის შემაჯამებელი ტურნირი 10-17 ნოემბერს, ლონდონში გაიმართება. ჯგუფში ჯოკოვიჩის მეტოქეები იქნებიან - როჯერ ფედერერი, დომინიკ ტიმი და მატეო ბერეტინი. ნახევარფინალში ორი საუკეთესო ჩოგბურთელი გავა.

მეორე ქვეჯგუფში არიან - რაფაელ ნადალი, დანიილ მედვედევი, სტეფანოს ციციპასი და ალექსანდრ ზვერევი.

232
მკითხველის კომენტარები / 0 /
მსგავსი ამბები
რუბრიკის სხვა სიახლეები
;