სუმო. MRI გამოკვლევის შედეგი: ტოჩინოშინი ლომივითაა

იაპონურმა TBS NEWS -მა მეტად უსიამოვნო ინფორმაცია გაავრცელა - დილის ვარჯიშზე იანვრის ბაშოს გამარჯვებულმა ლევან გორგაძემ (ტოჩინოშინი) მარცხენა ფეხი იტკინა და მისი გამოსვლა მარტის ბაშოზე საეჭვოაო:

"კეიკოზე ტოჩინოშინმა ისე იტკინა ფეხი, რომ ყველამ გაიგო მისი ღრიალის ხმა. სამწუხარო ისაა, რომ ქართველმა სუმოისტმა სწორედ ნატკენ ადგილზე მიიღო ტრავმა. ქართველის გამოსვლა ბაშოზე საეჭვოა, არადა, მას ბაშოს ზედიზედ მოგების საკმაოდ კარგი შანსი ჰქონდა...

მაგრამ მალევე ეს ინფორმაცია უარყო კლუბ "კასუგანოს", რომლის წევრიც ტოჩინოშინია, პრეზიდენტმა. მან განაცხადა, რომ ყველაფერი კარგადაა: "ვფიქრობ, ყველაფერი კარგადაა და ის საუკეთესოდ გამოვა ბაშოზე.

ტოჩინოშინმა უახლოეს კლინიკაში უკვე ჩაიტარა MRI გამოკვლევა, უარყოფითი პასუხი მივიღეთ. ის ლომივით ჯანზეა და მზად არის ბაშოს წინა მოთელვებზეც გამოვიდეს".

თუმცა უნდა აღინიშნოს, რომ ტოჩინოშინმა დილის ვარჯიში დღესაც გამოტოვა.

შეგახსენებთ, რომ წლის მეორე ბაშო ქალაქ ოსაკაში 11 მარტს დაიწყება, იანვარში კი სწორედ ქართველმა სუმოისტმა იპირველა.

ყოველდღიური სპორტული გაზეთი "ლელო"
4150
მკითხველის კომენტარები / 0 /
მსგავსი ამბები
რუბრიკის სხვა სიახლეები
;