10 ქულა და NBA-ს 10 სკაუტი ბითაძის თამაშზე [VIDEO]

ადრიატიკის ლიგის მორიგ მატჩში ჩემპიონმა "ბუდუჩნოსტმა" სტუმრად 77:72 დაამარცხა ლუბლიანის "ოლიმპია". ეს მატჩი იმით იყო გამორჩეული, რომ ამერიკის ეროვნული საკალათბურთო ასოციაციის ათამდე სკაუტი და კლუბების ხელმძღვანელი პირი ესწრებოდა. მათი მთავარი სამიზნე კი სადრაფტოდ გამზადებული გოგა ბითაძე იყო.

ბითაძემ 23 წუთამდე ითამაშა. ამის მიზეზი კი სწრაფად მიღებული 4 პერსონალური შენიშვნაა, თუმცა მან 10 ქულა, 6 მოხსნა, 1 პასი და 2 დაფარება მაინც მოასწრო. ეს ოფიციალურად, თუმცა ფანების დიდი ნაწილი დაგვეთანხმება, რომ ქართველ ცენტრს, სულ მცირე, 2 დაფარება და 1 შედეგიანი გადაცემა "მოპარეს".

"ბუდუჩნოსტი" მე-2 - მე-3 ადგილებს იყოფს "ცედევიტასთან" ერთად - 17 ტურში 12-12 გამარჯვებით. 4 თებერვალს კი მონტენეგროს კლუბი "მორნარ ბარს" მასპინძლობს, რომელსაც 7 მოგება და 10 მარცხი აქვს.

830
მკითხველის კომენტარები / 0 /
მსგავსი ამბები
რუბრიკის სხვა სიახლეები
;