134:134 - ფრე All Stars-ში

ქუთაისის სპორტის სასახლეში ქართული "ოლ-სტარი" გაიმართა, რომელშიც ერთმანეთს ადგილობრივებისა და ლეგიონერების გუნდები დაუპირისპირდნენ.

ადგილობრივები - ლეგიონერები 134:134
27:43, 38:28, 30:39, 39:24

ადგილობრივები:ფხაკაძე (21ქ,5მ), ლორთქიფანიძე (6ქ,7პ), ბარბაქაძე (19ქ), დვალიშვილი (20ქ,10მ), ტომარაძე (12ქ,5მ), როგავა (13ქ), ჯინჭარაძე (8ქ,5მ), ჩაჩანიძე (15ქ,5პ), ბექაური (10ქ,5მ)

მწვრთნელი: კოტე ტუღუში
ასისტენტი: ბუბა ბერიშვილი

ლეგიონერები: დოუელი (2ქ), რაითი (11ქ, 7პ), დრამრაითი (7ქ), მილიკენი (13ქ, 6მ), ოგდენი (30ქ,8მ), ლი (14ქ,7პ), სვოპშირი (18ქ), ბუბალო (6ქ), ბოუი (5ქ), სპენსერი (7ქ)

მწვრთნელი: ირაკლი ხოშტარია
ასისტენტი: ნიკოლოზ ჩერქეზიშვილი

მსაჯები: მაკა კუპატაძე, დავით ბერეკაშვილი, გურამ მიქელაძე

ქართული "ოლ სტარისთვის" გულშემატკივრებმა, გამოკითხვის მეშვეობით, საკუთარი ხუთეულები აირჩიეს, ხოლო დანარჩენი 7-7 მოთამაშე მწვრთნელებმა - კოტე ტუღუშმა და ირაკლი ხოშტარიამ დაასახელეს. ადგილობრივებს კოტე ტუღუში წვრთნიდა, ლეგიონერებს კი ირაკლი ხოშტარია უძღვებოდა.

მატჩი ტრადიციულად გახსნილი და სანახაობრივი გამოდგა. გუნდები დაცვაში ფაქტობრივად, არც იბრძოდნენ და ერთმანეთს თავისუფლად კომბინირების საშუალებას აძლევდნენ. ადგილობრივთა და ლეგიონერთა გუნდებმა მაყურებელს არაერთი ეფექტური ეპიზოდი შესთავაზეს, თუმცა, ბევრი იყო ხარვეზიც, განსაკუთრებით შეტევების დაგვირგვინებისას. როგორც ასეთ მატჩებს ახასიათებთ, შეხვედრა უხვქულიანი გამოდგა და საბოლოოდ, ფრედ 134:134 დასრულდა. ლეგიონერებით დაკომპლექტებული გუნდი თითქმის მთელი მატჩის განმავლობაში წინ იყო, მაგრამ ბოლოს ადგილობრივებმა იძალეს, მატჩის დასრულებამდე 7 წამით ადრე აკაკი დვალიშვილმა ანგარიში გაათანაბრა და შეხვედრა მეგობრული ანგარიშით დასრულა.

მატჩის MVP-სთვის განკუთვნილი პრიზი გადაეცა "ოლიმპის" ლეგიონერ მარკ ოგდენს, რომელმაც 25 წუთში 30 ქულა და 8 მოხსნა დააგროვა. ოგდენი მატჩის შემდეგ საქართველოს კალათბურთის ფედერაციის პრეზიდენტმა პაატა გურასპაულმა დააჯილდოვა.

21-21 ქულა დააგროვეს "დელტას" ლიდერმა ოთო ფხაკაძემ და "ოლიმპის" უკანახაზელმა ჩარლზ ბენეტმა.
20 ქულითა და 10 მოხსნით ორმაგი დუბლი მიითვალა "ქუთაისის" ცენტრმა აკაკი დვალიშვილმა. 19 ქულა დააგროვა გიორგი ბარბაქაძემ. 18 ქულა აიღო ჯორდან სვოპშირმა.

სამქულიანები კონკურსი

სამქულიანების კონკურსში ერთმანეთს ექვსი მონაწილე ეჯიბრებოდა: ოთარ ფხაკაძე, ერეკლე ლორთქიფანიძე, ჯონათან ლი, რევაზ ჩაჩანიძე, ჯორდან სვოპშირი და მალქოლმ დრამრაითი.

ფინალში გავიდნენ ჯონათან ლი და რევაზ ჩაჩანიძე. სამქულიანების კონკურსი საბოლოოდ "ქუთაისის" ამერიკელმა ლეგიონერმა ჯონათან ლიმ მოიგო, რომელმაც ფინალურ პაექრობაში 23 ქულა დააგროვა და ჩაჩანიძეს 2 ქულით აჯობა.

ჩატენვების კონკურსი

ჩატენვების კონკურსში 3 მონაწილე იყო. პირველობისთვის ერთმანეთს მარკ ოგდენი, ჩარლზ ბენეტი და ჯეიმს მილიკენი ეჯიბრებოდნენ. პირველ ეტაპზე ოგდენმა და მილიკენმა თანაბარი ქულები დააგროვეს. დამატებით ცდაში ჟიურიმ ოგდენის გარჯა უფრო მაღალი ქულებით შეაფასა და ჩატენვების კონკურსის გამარჯვებული "ოლიმპის" ფორვარდი გახდა.

398
მკითხველის კომენტარები / 0 /
მსგავსი ამბები
რუბრიკის სხვა სიახლეები
;