14 ივნისამდე თუ ვერ განახლდა... სერია A კითხვის ნიშნის ქვეშ!

იტალიური სერია A-ს ხელმძღვანელობამ ჩემპიონატის განახლების უკიდურეს ვადად 14 ივნისი დაასახელა. თუ ამ თარიღამდე პირველობა ვერ განახლდა, მაშინ, დიდი ალბოთობით, იტალიაში წლევანდელი სეზონი აღარ გაგრძელდება - ამის შესახებ ინფორმაციას Football Italia ავრცელებს.

იტალიის ხელისუფლება კარანტინის წესების გამარტივებას მაისიდან გეგმავს, რომლის თანახმადაც, 4 მაისიდან სპორტსმენებს საშუალება ექნებათ ინდივიდუალურად განაახლონ სავარჯიშო პროცესი, გუნდებს კი ვარჯიშების გამართვის შესაძლებლობა 18 მაისიდან ექნებათ. თუმცა კლუბების ხელმძღვანელები ამ თარიღის წინააღმდეგი არიან და ცდილობენ საწვრთნელი პროცესის განახლების ნებართვა მაისის პირველი რიცხვებიდანვე მიიღონ.

კლუბების ხელმძღვანელები მიიჩნევენ, რომ მაისის დასაწყისში ვარჯიშების განახლება, ქვეყანაში კორონავირუსის გავრცელების არავითარ რისკს არ წარმოადგენს, ვინაიდან ფეხბურთელები გარე სამყაროსგან იზოლირებულნი არიან და ამასთან, ბაზებზე ყველა გუნდს აქვს შესაძლებლობა მოთამაშეები COVID 19-ზე ყოველდღიურად შეამოწმონ.

იტალიური პრესის ინფორმაციით, თუ გუნდებს არ მიეცემათ სეზონის განახლების შესაძლებლობა, სერია A-ს ხელმძღვანელობა არ გამორიცხავს იტალიის ხელისუფლების წინააღმდეგ სასამართლოში საჩელი შეიტანოს, რამეთუ ჩემპიონატის ჩაშლის შემთხვევაში, სერია A-ს უზარმაზარი ფინანსური ზარალი ელის.

461
მკითხველის კომენტარები / 0 /
მსგავსი ამბები
რუბრიკის სხვა სიახლეები
;