17 და 19-წლამდელთა ნაკრებების მეტოქეები,ევროპის ჩემპიონატის შესარჩევზე, ცნობილია

გუშინ ევროპის ასაკობრივი (U17, U19) ჩემპიონატის შესარჩევი ეტაპების წილისყრა გაიმართა და ცნობილი გახდა იმ მეტოქეთა ვინაობა, საქართველოს 17 და 19-წლამდელთა ნაკრებებს რომ დაუპირისპირდებიან.

შეიძლება ითქვას, არ გაუმართლა 17-წლამდელთა ნაკრებს, რომელიც საკვალიფიკაციო ეტაპის VIII ჯგუფში პორტუგალიელ, უკრაინელ და ალბანელ თანატოლებს დაუპირისპირდება. მინიტურნირის მასპინძელი პორტუგალიაა, მატჩები კი 2019 წლის 13-19 ნოემბერს ჩატარდება. ელიტრაუნდის საგზურს ჯგუფის 2 საუკეთესო ნაკრები და 4 საუკეთესო მესამეადგილოსანი მოიპოვებს. ფინალურ სტადიაზე 15 საუკეთესო გუნდს ჩემპიონატის მასპინძელი ესტონეთი დაემატება.

იოლი მეტოქეები არც 19-წლამდელთა ნაკრებს ეყოლება. საკვალიფიკაციო ეტაპის XIII ჯგუფში ჩვენი გუნდი ხორვატიასთან, უნგრეთსა და ყაზახეთთან მოსინჯავს ძალებს. ოთხთა ტურნირს უნგრეთი უმასპინძლებს, მატჩები 2019 წლის 9-15 ოქტომბერს გაიმართება. ელიტრაუნდში თითოეული ჯგუფის 2 საუკეთესო გუნდი და საუკეთესო მესამეადგილოსანი მოხვდება. ამის შემდეგ ევროფინალის მონაწილე 7 გამოვლინდება. ფინალური ეტაპის ორგანიზებას 2020 წლის ივლისში ჩრდილოეთი ირლანდია გასწევს. მთავარი ჯილდოსთვის მასპინძელი და კიდევ 7 საუკეთესო ნაკრები იბრძოლებს. ?

ყოველდღიური სპორტული გაზეთი "ლელო"
247
მკითხველის კომენტარები / 0 /
მსგავსი ამბები
რუბრიკის სხვა სიახლეები