17-წლამდელთა ერთ-ერთი ლიდერი ლუკა გაგნიძე: მომატება შეგვიძლია, ამიტომ, ელიტრაუნდში უკეთეს შედეგს ველით

საქართველოს 17-წლამდელთა ნაკრებმა ევროპის ჩემპიონატის ელიტრაუნდში გააღწია. გიორგი ჩიტაურის გუნდმა პორტუგალიაში გამართულ ოთხთა მინი-ტურნირზე გოლის გატანა ვერ მოახერხა, მაგრამ საამისოდ უამრავი შანსი ჰქონდა...

მატჩების ვიდეოფრაგმენტებიდან ჩანს, რომ 17-წლამდელებს ყველა შეხვედრაში მინიმუმ 2-3 გოლის გატანა შეეძლოთ, მათ შორის, პორტუგალიასთან. ჩვენი გუნდის ვიცე-კაპიტანმა, თბილისის "დინამოს" ნახევარმცველმა ლუკა გაგნიძემ "ლელოსთან" შესარჩევ ეტაპზე გუნდის გამოსვლა შეაფასა.

"ძალიან ძლიერ ჯგუფში მოვხვდით. უკრაინასთან დავმარცხით და, შესაძლოა, ჩემი ნთქვამი რ დაიჯეროთ, მაგრამ თამაშით ნამდვილად ვაჯობეთ. ჩვენივე შეცდომების გამო მოგვიგეს - კარში სულ ორჯერ დაგვირტყეს და ორივეჯერ გაგვიტანეს. მერე იყო პორტუგალიასთან მატჩი, რომელიც ჩვენს ასაკში მსოფლიო ერთ-ერთი საუკეთესო გუნდია. მათ არაფერი დავუთმეთ და 0:0 ვითამაშეთ, თუმცა მეტი მომენტი შევქმენით.

პირდად მე დასაწყისში ჯარიმიდან ძელს მოვარტყი ბურთი, სხვა მომენტებიც გვქონდა... ალბანეთთან უპირატესობას ვფლობდით, თუმცა ვერ გავტანეთ. მთავარია, რომ ელიტრაუნდში გავედით", - ამბობს ლუკა გაგნიძე.

თბილისის "დინამოს" 16 წლის ნახევარმცველის თქმით, პორტუგალიაში გუნდი თავდაჯერებული წავიდა. გაგნიძე ამ თავდაჯერების მიზეზებზეც ლაპარაკობთ:

"პორტუგალიაში წასვლამდე ძალიან კარგი მოსამზადებელი შეკრებები გვქონდა და კონტროლო შეხვედრები ჩავატარეთ. პოლონეთის ტურნირზე ძალიან ძლიერი ნაკრებები გამოდიოდნენ - მასპინძლებს, რუმინეთსა და ნორვეგიას შევხვდით, რომელსაც 1:0 მოვუგეთ და თამაშითაც ვაჯობეთ.

მერე თბილისში ამხანაგურ მატჩში საბერძნეთს ვუმასპინძლეთ და 2:0 დავამარცხეთ. არადა, ეს გუნდი შესარჩევ ეტაპზე ძალიან მაგრად გამოვიდა, ჯგუფში ყველა მეტოქე დაამარცხა და 9 ქულით პირველზე გავიდა. ერთ-ერთი დამარცხებული გერმანიაც იყო, რომელსაც 3:0 მოუგო. როც ეს ამბავი შევიტყვეთ, მივხვდით, რომ ჩვენ ცუდი ნაკრები არ გვყავდა და შესარჩევ ეტაპზე დაიმედებულები და თავდაჯერბულები წავედით".

ლუკა გაგნიძის თქმით, საქართველოს 17-წლამდელთა ნაკრებს ევროპის ჩემპიონატის ელიტრაუნდში უკეთ გამოსვლა  შეუძლია:

"მე მჯერა, რომ ჩვენ ელიტრაუნდშიც წარმატების მიღწევა შეგვიძლია. გუნდში ბევრი ისეთი ფეხბურთელი გვყავს, რომაც მომატება და გუნდისთვის სარგებლობის მოტანა შეუძლიათ. პორტუგალისთან მატჩმა გვაჩვენა, რომ გვაქვს იმის პოტენციალი, ნებისმიერ გუნდს შევებრძოლოთ და სასურველ შედეგს მივაღწიოთ".

2565
მკითხველის კომენტარები / 0 /
მსგავსი ამბები
რუბრიკის სხვა სიახლეები
;