18 ქულა... და შენგელიამ ბარსას 24-ქულიანი სხვაობით სძლია

ესპანეთის ჩემპიონატში მორიგი მატჩი გამართა მაღალ დონეზე თორნიკე შენგელიას "ბასკონიამ". ვიტორიელებმა "ბარსელონა" მიიღეს 24-ქულიანი სხვაობით 96:72 დაამარცხეს.

გამანადგურებელი დარტყმა კატალონიელებს ბასკებმა პირველ მეოთხედში მიაყენეს, რომელიც 31:7 მოუგეს. დარჩენილ დროში სტუმრები ბევრს ეხადნენ, მაგრამ თამაში ვერც გამოასწორეს და ვერც შემოატრიალეს.

წარმატებაში ლომის წვლილი თორნიკე შენგელიას მიუძღვის, რომელმაც 19 წუთში მაქსიმუმი გამოწურა: 18 ქულა, 4 მოხსნა, 1 პასი, 2 ჩაჭრა. თოკომ 7-დან 5 ორქულიანი, 5-დან 2 სამიანი და 2-დან 2 საჯარიმო ჩააგდო.

24 ქულით მატჩის ბომბარდირი მისი თანაგუნდელი როდრიგ ბობუა გახდა. "ბასკონიას", გიორგი შერმადინის "უნიკახას", "ბარსელონასა" და "ფუენლაბრადას" 12-12 მოგება (7 წაგება) აქვთ და მესამე-მეექვსე ადგილებს ინაწილებენ.

1343
მკითხველის კომენტარები / 0 /
მსგავსი ამბები
რუბრიკის სხვა სიახლეები
;