[2 x VIDEO] TOP 5. შეგიძლიათ, ლივერპულს ჩემპიონობა მიულოცოთ, ლაციოს ისტორიული რეკორდი...

"ლივერპულმა" ჰარი კეინის გარეშე მოთამაშე "ტოტენჰემს" სტუმრად 1:0 მოუგო და მისმა უპირატესობამ მეორეადგილოსანთან ამ სეზონში პირველად მიაღწია 16 ქულას. ეჭვი არ არის, რომ იურგენ კლოპის გუნდი ჩემპიონობას ხელიდან აღარ გაუშვებს. ასე რომ, ფანებს შეგიძლიათ, ახლავე მიულოცოთ "ლივერპულს" ტიტული - ისე, არაოფიციალურად მაინც...

სხვათა შორის, 21 ტურის შემდეგ 61 ქულა TOP5 ლიგების ისტორიაში საუკეთესო მაჩვენებელია.

ტოტენჰემი-ლივერპული   0:1
გოლი: 0:1 ფირმინო (37)
ტოტენჰემი (4-2-3-1): გასანიგა - ტანგანგა, ალდერვეირელდი, სანჩესი, როუზი (69. ლამელა) - უინქსი, ერიქსენი (69. ლო სელსო) - ორიე, ალი, სონი - ლუკას მოურა.
ლივერპული (4-3-3): ალისონი - ალექსანდერ-არნოლდი, ჯო გომესი, ვან დეიკი, რობერტსონი - ოქსლეიდ-ჩემბერლენი (61. ლალანა), ჰენდერსონი, ვეინალდუმი - სალაჰი (90+2. შაჩირი), მანე (81. ორიჯი), ფირმინო.

იტალიის სერია A-ში ზედიზედ მე-10 მატჩი (პირველად, ისტორიაში) მოიგო "ლაციომ", რომელმაც შინ "ნაპოლი" დაამარცხა მიმდინარე გათამაშების საუკეთესო ბომბარდირის, ჩირო იმობილეს გოლით. ეს გოლი კი სტუმართა მეკარის ბრიყვულ შეცდომას მოჰყვა. "ლაციომ" თამაში განაცხადი გააკეთა ჩემპიონობაზე...

ლაციო-ნაპოლი   1:0
გოლი: 1:0 იმობილე (82)
ლაციო (3-5-2): სტრაკოშა - ლიუზ ფელიპე, აჩერბი, რადუ - ლაძარი, მილინკოვიჩ-სავიჩი, ლუკას ლეივა (81. ბერიშა), ლუის ალბერტო (90. ხონი), ლულიჩი - კაისედო (64. კატალდი), იმობილე.
ნაპოლი (4-3-3): ოსპინა - ჰისაი, დი ლორენცო, მანოლასი, მარიო რუი - ზელინსკი, რუისი, ალანი (84. ალანი) - კალიეხონი (88. ელმასი), ინსინიე (90+1. ლოსანო), მილიკი.

1060
მკითხველის კომენტარები / 0 /
მსგავსი ამბები
რუბრიკის სხვა სიახლეები
;