2018 წელი კარიკატურებში: ტოჩინოშინის თევზიდან ბასილაშვილის პროპელერამდე

2018 წელი ქართული სპორტისთვის ისტორიული გამოდგა. გვქონდა წარმატება ბევრ ისეთ სახეობაში, აქამდე ტიტულებზე რომ არც ვოცნებობდით.

გადავხედოთ გასულ წელს კარიკატურისტის თვალით. ოღონდ, არ გაგიკვირდეთ საფეხბურთო ნახატებს თუ ვერ ნახავთ - ერთა ლიგაზე ჩვენი ნაკრების გამოსვლას ცალკე კარიკკოლაჟს მივუძღვნით.


2018 წელი ტრიუმფით გახსნა ლევან გორგაძემ, იგივე ტოჩინოშინმა - სუმოში იმპერატორის თასი მოიგო. 

უამრავ საჩუქართან ერთად მიიღო საიმპერატორო თევზი, რომელიც მისთვის ისეთივე ძვირფასი იყო, როგორც მშობლიური "ცოცხალი" ძეგვიდან.


ნიკოლოზ ბასილაშვილისთვის განვლილი წელი საუკეთესო იყო, ისევე როგორც დამოუკიდებელი ქართული ჩოგბურთისთვის. 

ნიკამ ჯერ გერმანიის გრანდსლემი მოიგო, შემდეგ - ჩინეთის. პეკინში დასამახსოვრებელი იყო ფინალი არგენტინელ დელ პოტროსთან, ჰამბურგში - საჩემპიონო თასი, რომელიც უბრალო ვენტილატორს მოგაგონებდათ.

ძრავების მწარმოებელ ინდუსტრიულ ცენტრში თასიც პროპელერის ფორმისა ჩამოასხეს.


"ბორჯღალოსნებმა" ტრადიციულად - ერთა თასი მშვენივრად დაიწყეს, რუსეთის მწვრთნელს ათქმევინეს: საქართველომ გადაგვიარაო...

დასასრულს 2019 წლის თებერვალში ვიხილავთ.


ივნისში მორაგბეთა ნაკრებმა არცთუ წარმატებული ოკეანისპირული ტურნე ჩაატარა. დამარცხდა იაპონიასთან და ფიჯისთან, თუმცა ეფექტური, გადამწყვეტი ლელოთი სძლია ტონგას.


ზაზა ფაჩულიამ "გოლდენ სტეიტთან" ერთად მეორედ მოიპოვა NBA-ს ჩემპიონობა.


ნიკოლოზ ბასილაშვილმა საფრანგეთის ღია პირველობაზე მსოფლიოს პირველ ჩოგან რაფაელ ნადალთან თანაბრად იბრძოლა, სეტიც მოუგო, თუმცა საბოლოოდ მაინც დამარცხდა... 

ნამატჩევს ნადალმა მას არაერთი კომპლიმენტი უძღვნა.


გენო პეტრიაშვილმა კიდევ ერთხელ მიჰყვა თავისი გორელი კოლეგის ლადო ხინჩეგაშვილის კვალს - მოიგო მსოფლიოს ჩემპიონატი აბსოლუტურ წონაში და დაამტკიცა, რომ თავისუფალ ჭიდაობაში მასზე ძლიერი მოჭიდავე არ არსებობს.


არც ძიუდოში მოიძებნება გურამ თუშიშვილზე უკეთესი სპორტსმენი. ქართველი მსოფლიოს ჩემპიონი ძიუდოს საერთაშორისო ფედერაციამ 2018 წლის საუკეთესო ძიუდოისტად დაასახელა.


კალათბურთელთა ნაკრებმა მსოფლიოს ჩემპიონატის მეორე საკვალიფიკაციო ეფექტური გამარჯვებით გახსნა - ისრაელი ოვერტაიმში დაამარცხა. 

ამ მატჩში ნათლად გამოჩნდა 19 წლის გოგა ბითაძის სერიოზული პროგრესი.


ჩინეთის ღია პირველობაზე ნიკოლოზ ბასილაშვილი ფინალში მასზე გაცილებით მაღალ არგენტინელ დელ პოტროს გადაახტა...


საბერძნეთთან დასანანი წაგების შემდეგ საქართველოს ნაკრებმა ნოემბერსა და დეკემბერში ესტონეთსა და ისრაელს სძლია.

შერმადინი და ბითაძე მეტოქეებზე ერთი თავით მაღლა იდგნენ... ორმაგი გაგებით. 

მეტოქეები ბევრს ეცადნენ, მაგრამ ჩვენს ტანმაღალ ცენტრებს ვერაფრით შეწვდნენ.


2018 წლის სეზონი ლაშა ტალახაძის ტრიუმფით დაიხურა. მან კიდევ ერთი მსოფლიო ჩემპიონობა მოიპოვა და კიდევ არაერთი რეკორდი დაამყარა.

ეს ის კაცია, რომლისთვისაც დედამიწის მიზიდულობის კანონი არ არსებობს.

3238
მკითხველის კომენტარები / 0 /
მსგავსი ამბები
რუბრიკის სხვა სიახლეები
;