2018 წელს ყველაზე მეტი პლიშკოვამ მოიგო

ქალ ჩოგბურთელთა ასოციაციამ დაიწყო გასული სეზონის სტატისტიკური მონაცემების გამოქვეყნება.

2018 წელს, მოგებული მატჩების რაოდენობით ლიდერი გახდა ჩეხი კაროლინა პლიშკოვა - 49 მოგებული თამაში. მეორე ადგილი დაიკავა მისმა თანამემამულემ პეტრა კვიტოვამ (47 მოგება).

დანიელი კაროლინ ვოზნიაცკი უკვე ზედიზედ მეათე წელია მინიმუმ ერთ ტურნირს იგებს სეზონში. ეს მეექვსე შედეგია ქალთა პროფესიული ტურის ისტორიაში.

იაპონელ ნაომი ოსაკას 2016 წლიდან მოყოლებული არ წაუგია არცერთი მატჩი, რომელშიც პირველ სეტს იღებდა. 2018 წელს, მან 38 ასეთი შეხვედრა მოიგო 38 შესაძლებლიდან.

წელს, რეიტინგის TOP10-ში დებიუტი ჰქონდა ხუთ ჩოგბურთელს: ნაომი ოსაკას, სლოან სტივენსს, კიკი ბერტენსს, დარია კასატკინასა და იულია გორგესს.

სეზონის დასრულების შემდეგ, ჭთA-მ გამოაქვეყნა წლის ბოლო რეიტინგი. როგორც ირკვევა, კლასიფიკაციის TOP100-ში ყველაზე მეტი წარმომადგენელი ჰყავს ამერიკის შეერთებულ შტატებს - 12:

სლოან სტივენსი (მე-6 ჩოგანი)
სერენა უილიამსი (16)
მედისონ კისი (17)
დანიელ კოლინზი (36)
ვინუს უილიამსი (40)
სოფია კენინი (52)
ელისონ რისკე (63)
ბერნარდა პერა (68)
ტეილორ თაუნსენდი (74)
მედისონ ბრენგლი (90)
ამანდა ანისიმოვა (95)
საჩია ვიკერი (96)

ამ მაჩვენებლით მეორე ადგილზეა რუსეთი, რომელსაც ტოპ-ასეულში რვა ჩოგბურთელი ჰყავს. მესამე ადგილს 6-6 მოთამაშით ჩეხეთი და რუმინეთი იყოფენ.

გარდა ამისა, ჭთA-ის ოფიციალურ ვებგვერდზე გამოქვეყნდა ყველა დროის 10 საუკეთესო ჩოგბურთელის სია კარიერის განმავლობაში მოპოვებული საპრიზო თანხების მიხედვით. სიას სათავეში უდგანან დები უილიამსები:

1. სერენა უილიამსი (აშშ) - $88 233 301
2. ვინუს უილიამსი (აშშ) - $40 931 048
3. მარია შარაპოვა (რუსეთი) - $38 342 119
4. კაროლინ ვოზნიაცკი (დანია) - $33 492 413
5. ვიქტორია აზარენკა (ბელარუსი) - $29 278 989
6. სიმონა ჰალეპი (რუმინეთი) - $28 145 579
7. აგნიეშკა რადვანსკა (პოლონეთი) - $27 683 807
8. პეტრა კვიტოვა (ჩეხეთი) - $27 342 207
9. ანჟელიკ კერბერი (გერმანია) - $27 156 841
10. მარტინა ჰინგისი (შვეიცარია) - $24 749 074

ყოველდღიური სპორტული გაზეთი "ლელო"
1264
მკითხველის კომენტარები / 0 /
მსგავსი ამბები
რუბრიკის სხვა სიახლეები
;