2020 წელს თბილისში 'მილანი' ჩამოდის. იტალიური გრანდი საფეხბურთო აკადემიას ხსნის

მსოფლიო ფეხბურთის გრანდი "მილანი" საქართველოში საფეხბურთო აკადემიას ხსნის, - ეს ინფორმაცია საქართველოში "როსონერის" წარმომადგენელმა ანა წერეთელმა დაგვიდასტურა.

"ეს საკითხი გადაწყვეტილია და "მილანის" აკადემიის გახსნას 2020 წლის შემოდგომისკენ ვგეგმავთ. ეს წელსაც გვსურდა, მაგრამ იურიდიული საკითხების მოგვარებას დრო სჭირდება და ამიტომ ვერ მოესწრო. მანამდე კი გადავწყვიტეთ, რომ ბათუმში "მილანის" ერთკვირიანი კემპი მოგვეწყო. ამ საქმეში ძალიან დიდი დახმარება გაგვიწიეს აჭარის მთავარობამ და ბათუმის "დინამოს" გენერალურ სპონსორის "H გრუპის" დამფუძნებელმა არჩილ ბერიძემ", - ამბობს ანა წერეთელი.

მან "მილანთან" მოლაპარაკების დეტალებიც გგავიმხილა: "იტალიური გრანდის წარმომადგენლები საქართველოში იმყოფებოდნენ და ხელშეკრულება გამზადებულია. "მილანის" აკადემია საფეხბურთო აკადემია "ოლიმპიკის" ბაზაზე "ნიუ ვიჟენის" უნივერსიტეტის რექტორის, დავით კერესელიძის დახმარებით აშენდება და საქართველოში გამორჩეული ინფრასტრუქტურა ექნება. მოეწყობა ხუთი მოედანი, საიდანაც ორი სტანდარტული იქნება, ბუნებრივსაფარიანი და ხელოვნური ალიჩით, ხოლო სამიც არასტანდარტული მოედანი იქნება. ამავე დროს, დაგეგმილია პლაჟის ფეხბურთისა და ფუტსალის სტადიონების მოწყობა. ძალიან მიხარია, რომ იტალიური ბრენდი საქართველოში შემოვიყვანე".

ბათუმის სასტუმრო "ინტურისტში" იტალიური საფეხბურთო გრანდის საფეხბურთო ბანაკის პრეზენტაცია შედგა. "მილანის" კემპი ანგისას საფეხბურთო ბაზაზე 10-15 სექტემბერს გაიმართება და 6 დღე გაგრძელდება. სასწავლო-საწვრთნელ პროცესს "მილანის" ასაკობრივი გუნდების მწვრთნელები - დავიდეუბილინი და მასიმილიანო ფერარი გაუძღვებიან. "მილანის" საზაფხულო ბანაკის მხარდამჭერები აჭარის მთავრობა და ბათუმის "დინამოს" გენერალური სპონოსორის "H გრუპის" დამფუძნებელი არჩილ ბერიძე არიან.

1052
მკითხველის კომენტარები / 0 /
მსგავსი ამბები
რუბრიკის სხვა სიახლეები
;