30 ქულა და... ლუკა ბულაშვილი ება-ს ლიგაში ტურის საუკეთესოთა შორისაა

ლუკა ბულაშვილმა ეფექტურად გახსნა ესპანეთის ება-ს ლიგა. მან პირველ ტურში "სანტო დომინგოს" დამარცხებაში ლომის წილი დაიდო. ლუკას "კუიერედომ" დომინგოელები სტუმრად დაძაბულ ბრძოლაში 79:75 დაამარცხა.

ბულაშვილის ანგარიშზე კი, 30 ქულა დაფიქსირდა. მან 7-დან 4 ორქულიანი, 13-დან 5 სამიანი და 11-დან 7 საჯარიმო გამოიყენა. 30 ქულის გარდა ქართველი ახალგაზრდის ანგარიშზე 6 მოხსნა და 1 პასი დაფიქსირდა.

"კუიერედოს" ვიცებომბარდირი ჯორჯ ვუდსი გახდა, რომელმაც 16 ქულა ჩააგდო.

მატჩის ესპანურ მიმოხილვაში ლუკა ბულაშვილი "ქილერად" არის მოხსენიებული - ქართველი მკვლელის ტყორცნებმა "სანტო დომინგოს" შანსი არ დაუტოვაო.

კარგია, როცა შრომა გამარჯვებით ფასდება. ლუკას მონდომება სხვაგვარადც დაფასდა - იგი ება-ს ლიგაში მარგი ქმედების კოეფიციენტის მიხედვით (+29) საუკეთესო ხუთ კალათბურთელს შორის მოხვდა.

1161
მკითხველის კომენტარები / 0 /
მსგავსი ამბები
რუბრიკის სხვა სიახლეები
;