35 წლის კაკა მილანში ბრუნდება?

შესაძლოა, 35 წლის კაკა "მილანში" დაბრუნდეს, სადაც კარიერის საუკეთესო პერიოდი გაატარა. მან უკვე ჩაატარა თავისი ბოლო მატჩი "ორლანდო სიტის" შემადგენლობაში და განიხილავს ვარიანტს, რომლის მიხედვითაც, არ არის გამორიცხული, სეზონის მეორე ნახევარში სწორედ "მილანში" გაატაროს, ხოლო შემდეგ კლუბის მმართველ იერარქიაში ერთ-ერთი საკვანძო თანამდებობა დაიკავოს.

მაგრამ არის სხვა ვერსიებიც. თუნდაც ასეთი - შესაძლოა, კაკამ მშობლიურ "სან პაულუში" გააგრძელოს კარიერა, მაგრამ ამ ეტაპზე "მილანის" ვარიანტი უფრო სარწმუნოდ მოსჩანს, ოღონდ, ეგ არის, ჯერ მან უნდა განაცხადოს, რომ ფეხბურთიდან წასვლა გადაიფიქრა.

აქვე შეგახსენებთ, რომ კაკა "მილანის" ღირსებას 2003-09 და 2013 -14 წლებში იცავდა. "როსონერის" შემადგენლობაში მან იტალიის ჩემპიონატი, ჩემპიონთა ლიგა, იტალიისა და ევროპის სუპერთასები, ასევე მსოფლიოს საკლუბო ჩემპიონატი მოიგო.

ყოველდღიური სპორტული გაზეთი "ლელო"

3328
მკითხველის კომენტარები / 0 /
მსგავსი ამბები
რუბრიკის სხვა სიახლეები