37 წლის ვინუსი ტოკიოს უმიზნებს

ლეგენდარული ამერიკელი ჩოგბურთელი ვინუს უილიამსი არ აპირებს კარიერის დასრულებას. მან თავისი სამომავლო გეგმები გაუმხილა ქალ ჩოგბურთელთა ასოციაციის (ჭთA) ოფიციალურ ვებგვერდს.

"უახლოეს მომავალში არ მაქვს დაგეგმილი კარიერის დასრულება. უფრო მეტიც, ამწუთას მეჩვენება, რომ ჰორიზონტზე უკვე მოჩანს ტოკიოს 2020 წლის ოლიმპიური თამაშები. და აუცილებლად შევეცდები მასში მონაწილეობის მიღებას", - განაცხადა 37 წლის ამერიკელმა.

ვეტერანმა ჩოგბურთელმა 2017 წელს შთამბეჭდავი სეზონი ჩაატარა. მართალია, მან ვერც ერთი ტიტულის მოგება ვერ შეძლო, მაგრამ ფინალამდე მიაღწია ავსტრალიის ღია პირველობაზე, უიმბლდონსა და წლის შემაჯამებელ ტურნირზე, გარდა ამისა, ნახევარფინალამდე მივიდა აშშ-ის ღია პირველობაზე. უფროსმა უილიამსმა სეზონი მეხუთე ჩოგანის რანგში დაასრულა.

ყოველდღიური სპორტული გაზეთი "ლელო"
927
მკითხველის კომენტარები / 0 /
მსგავსი ამბები
რუბრიკის სხვა სიახლეები
;