[4 x VIDEO] ლა ლიგა. ბარსელონას კატალონიურ დერბიში ცივი შხაპი გადაასხეს, რეალმა ახალი წელი მოგებით დაიწყო

ლა ლიგაში ახალი წლის პირველი ტური პარასკევს დაიწყო, შაბათს კი გრანდებმა ითამაშეს. ლუის სუარესისა და არტურო ვიდალის მიერ მეორე ტაიმში გატანილი გოლებით "ბარსელონა" 2:1-ს იგებდა კატალონიურმა დერბიში, თუმცა 75-ე წუთზე 10 კაცით დარჩა ფრენკი დე იონგის გაძევების გამო, თამაშის ბოლოს კი "ესპანიოლის" ჩინელი ლეგიონერის, ვუ ლეის გოლით ფრეს (2:2) დასჯერდა.

"რეალმა" ახალი წელი გამარჯვებით დაიწყო, დაამარცხა რა "ხეტაფე" მადრიდულ დერბიში - 3:0. აღსანიშნავია ცენტრალური მცველის რაფაელ ვარანის დუბლი, ერთი გოლიც კომპენსირებულ დროში ლუკა მოდრიჩმა გაიტანა. აღსანიშნავია, რომ "რეალმა" 2017 წლის შემდეგ პირველად ითამაშა წაუგებლად ლა ლიგის ზედიზედ 10 მატჩი. ამასთან, ზინედინ ზიდანის გუნდმა დაასრულა მცირე, მაგრამ მაინც 3-მატჩიანი მოუგებელი სერია.

"ბარსელონა" და "რეალი" 40-40 ქულით ლიდერობენ ლა ლიგას, 35 ქულა აქვს მესამე ადგილზე მყოფ "ატლეტიკოს", რომელმაც შაბათს შინ 2:1 მოუგო "ლევანტეს". აღსანიშნავია ასევე "ვალენსიას" საშინაო მოგება (1:0) "ეიბართან" და პარასკევს "სევილიას" მიერ დაკარგული ქულები (1:1) "ბილბაოსთან" ასევე შინ ჩატარებულ მატჩში.

706
მკითხველის კომენტარები / 0 /
მსგავსი ამბები
რუბრიკის სხვა სიახლეები
;