კრიზისის დაძლევის 5 გზა, ანუ როგორ და რატომ შეიძლება გაცოცხლდეს ბაიერნი?

ამ დროისთვის ბუნდესლიგაში 8 ტურია ნათამაშები, "ბაიერნის" გულშემატკივრები კი ჯერჯერობით თავს ვერაფრით დაიმშვიდებენ. "რეკორდმაისტერი" არ არის ლიდერი და თამაშის ხარისხიც შორსაა იდეალურისგან. ეს გამოჩნდა თუნდაც ბოლო ორ მოგებულ მატჩში - ბუნდესლიგაში სტუმრად "ვოლფსბურგთან" (3:1) და ჩემპიონთა ლიგაში - ათენის აეკ-თან (2:0).
ამის გათვალისწინების გარეშეც, "ბაიერნს" შეუძლია სეზონის შემოტრიალება და საამისოდ 5 მიზეზი, ანუ 5 გზა არსებობს...

ასეთი რამ ადრეც ყოფილა...

ბოლოს ეს "დორტმუნდი", როცა უახლოეს მდევარ "შალკეს" მთელი 25(!) ქულით გაუსწრო.
არ იყო პირველი შემთხვევა, როცა გიგანტური მანქანა მოგვიანებით გახურდა. მაგალითად, 2009-10 წლების სეზონში "რეკორდმაისტერს" ჰქონდა 6-ქულიანი პასივი. 2004-05 წლებში იყო 4-ქულიანი ჩამორჩენა "შტუტგარტთან". როცა "ბაიერნთან" გვაქვს საქმე, ის არასდროს უნდა ჩამოვწეროთ.


ლევანდოვსკი ჯერაც ხურდება

გატანილი გოლების მიხედვით "ბაიერნი" ჩამორჩება "დორტმუნდს", "ლაიპციგს", "გლადბახსა" და "აინტრახტს". აქ მთავარი ფაქტორია რობერტ ლევანდოვსკი, რომელიც ნელ-ნელა შედის ოპტიმალურ ფორმაში. ამის დასტურია მის მიერ ბოლო ორ მატჩში (აეკ-თან ჩემპიონთა ლიგის გათვალისწინებით) გატანილი 3 გოლი. საინტერესოა, რომ ამდენი მას წინა 6 მატჩში ჰქონდა გატანილი. ასე რომ, ეს იარაღი "ბაიერნს" ისევ აქვს და, დიდი ალბათობით, ისევ "გაისვრის". ამის ნიშნები უკვე გამოჩნდა.


პრობლემები დაცვაში

ნიკო კოვაჩისთვის ეს პირველი სეზონია ისეთ გრანდში, როგორიც "ბაიერნია". რა თქმა უნდა, არის პრობლემები დაცვაში, მაგრამ მათ მოგვარებას ახლო მომავალში უნდა ველოდოთ. ყველა მწვრთნელს სჭირდება გარკვეული დრო საიმისოდ, რომ გუნდს ბოლომდე შეეწყოს და დაცვის თამაში დაალაგოს. წესით, კოვაჩმა ეს ახლო მომავალში უნდა შეძლოს.

 
დაბადებულნი გამარჯვებისათვის

"ბაიერნის" ლიდერები - დავიდ ალაბა, ჯოშუა კიმიხი, ფრენკ რიბერი, თომას მოულერი და არიენ რობენი დაბადებულები არიან გამარჯვებებისთვის. წლების განმავლობაში ისინი ყველაფერს იგებენ გერმანიაში და ეს კონკურენტებთან შედარებით უდიდესი უპირატესობაა. ცოტა დროა საჭირო, რათა ამავე სულისკვეთებით განიმსჭვალონ გუნდის ახალწვეულები - ნიკლას ზულე, ლეონ გორეტცკა და რენატო სანჩესი.

ტოლისო და კომანი

ნუ დაგვავიწყდება "ბაიერნის" საკადრო პრობლემები. ამ დროისთვის კლუბის ლაზარეთში ორი ფრანგი ფეხბურთელია - კინგსლი კომანი და კორენტენ ტოლისო. ორივე მათგანის დაბრუნება "ახალ სისხლს" შემატებს "რეკორდმაისტერს". ორივემ დაამტკიცა, რომ შეუძლიათ, გუნდს ძალიან გამოადგნენ. გარდა ამისა, არ უნდა დავივიწყოთ კანადელი თინეიჯერი ალფონსო დევისიც.

ყოველდღიური სპორტული გაზეთი "ლელო"
275
მკითხველის კომენტარები / 0 /
მსგავსი ამბები
რუბრიკის სხვა სიახლეები