50 წლის იაპონელმა, რომელსაც კომიქსებს უძღვნიან, კლუბთან კონტრაქტი გაახანგრძლივა

50 წლის იაპონელმა ფეხბურთელმა, კაძუიოში მიურამ იაპონიის მეორე დივიზიონის გუნდთან, "იოკოჰამასთან" კონტრაქტი გაახანგრძლივა. ფორვარდი, რომელსაც 26 თებერვალს 51 წელი შეუსრულდება, ახალი კონტრაქტის მიხედვით, იაპონური კლუბის ღირსებას 2018 წლის ბოლომდე დაიცავს.

იაპონიის ნაკრების ყოფილი ფეხბურთელი კარიერის დასრულებას არ გეგმავს და მეტიც, მშვენიერ ფორმაშიც იმყოფება. გასულ სეზონში მიურამ 12 მატჩი გამართა და გოლის გატანაც შეძლო, ეს სეზონი კი მისთვის რიგით 33-ეა.

კაძუიოში "იოკოჰამას" 2005 წელს შეუერთდა. 2017 წელს იგი ისტორიაში ყველაზე ხანდაზმული ფეხბურთელი გახდა.

იაპონიაში მიურას პოპულარული კომიქსი, "კაპიტანი ცუბასა" მიუძღვნეს. კომიქსი საფეხბურთო გუნდისა და მისი მხიარული, უბერებელი კაპიტნის შესახებაა. რამდენიმე წლის წინ კომიქსის მიხედვით, მულტფილმი გადაიღეს, რომელშიც მთავარი პერსონაჟი მიურამ გაახმოვანა.

მიურა 11 ნომრით ასპარეზობს. ამ ციფრს მის ცხოვრებაში განსაკუთრებული დატვირთვა აქვს: კაძუიოშის ავტომობილის ნომერი 11-ით მთავრდება, სასტუმროში იგი ყოველთვის მე-11 ნომერს ითხოვს, "იოკოჰამასთან" მან პირველი კონტრაქტი 2005 წლის 11 ნოემბერს, 11 საათსა და 11 წუთზე გააფორმა.

შეგახსენებთ, რომ დღეს, 11 იანვარია...

2504
მკითხველის კომენტარები / 0 /
რუბრიკის სხვა სიახლეები