6 ერის აღმასრულებელი დირექტორი: საქართველო მსოფლიოს ერთ-ერთი საუკეთესო გუნდია და მისი მიწვევა ბუნებრივია!..

"ექვსი ერის" აღმასრულებელმა დირექტორმა ბენჯამინ მორელმა ექსკლუზიური ინტერვიუს მისცა "ტელეიმედს", სადაც საქართველოს მორაგბეთა ნაკრების "რვა ერის საშემოდგომო ტურნირში" მიწვევაზე ილაპარაკა:

"საქართველო მსოფლიოს ერთ-ერთი საუკეთესო ნაკრებია და მისი მიწვევა "8 ერის" ტურნირში სრულიად ბუნებრივია. პანდემიისგან შექმნილი პრობლემების გამო კალენდარი შევცვალეთ და ეს ტურნირი დავაარსეთ. ახლა ქართველებს შანსი აქვთ, მსოფლიოს თავიანთი ძალა ამ ახალ გათამაშებაში დაუმტკიცონ. 

ვიცი, რომ საქართველოს რაგბის კავშირი ბევრს მუშაობს და ეს ტურნირი დამატებითი სტიმული იქნება თქვენს ქვეყანაში რაგბის განვითარებისთვის. ძალიან ბედნიერი ვარ, რომ ეს გადაწყვეტილება მივიღეთ". 

შეგახსენებთ, რომ "ბორჯღალოსნები" ახალ ტურნირში ჩვენი ქვეყნისთვის პირველ, ისტორიულ მატჩს 14 ნოემბერს, "თვიქნემზე", ინგლისის ნაკრების წინააღმდეგ გამართავენ.

1732
მკითხველის კომენტარები / 0 /
მსგავსი ამბები
რუბრიკის სხვა სიახლეები
;