7 ივნისამდე ჩოგბურთი არ იქნება

პროფესიონალ ჩოგბურთელთა ასოციაციამ (ATP) და ქალთა საჩოგბურთო ასოციაციამ (WTA) ერთობლივი განცხადება გაავრცელეს, რომელშიც წერია, რომ ყველა პროფესიონალური ტურნირი გაუქმებულია 7 ივნისამდე.

როგორც ორგანიზაციების პრესრელიზში წერია, გაუქმება შეეხო მადრიდისა და რომის ქალთა და მამაკაცთა ტურნირებს, ასევე ქალებს ტურნირებს სტრასბურსა და რაბატში და კაცების ტურნირებს მიუნხენში, ეშტორილში, ჟენევასა და ლიონში.

ასევე უქმდება ამ პერიოდში „ჩელენჯერისა“ და ჩოგბურთის საერთაშორისო ფედერაციის (ITF) ტურნირები.

ეს გადაწყვეტილება იმას ნიშნავს, რომ გრუნტის ყველა ტურნირის გაუქმებულია როლან გაროსის გარდა.

აღნიშნულ პერიოდში ჩოგბურთელთა რეიტინგები „გაიყინება“.

252
მკითხველის კომენტარები / 0 /
მსგავსი ამბები
რუბრიკის სხვა სიახლეები
;