7-კაცა რაგბის ნაკრების შეკრება სამხრეთ აფრიკასა და ზიმბაბვეში

საქართველოს 7-კაცა რაგბის ნაკრები სამხრეთ აფრიკაში გაემგზავრა, სადაც ერთკვირიან შეკრებას გაივლის. შემდეგ კი ზიმბაბვეში გადაინაცვლებს და საერთაშორისო ტურნირზე ითამაშებს.

ჩვენი გუნდი ევროპის გრან პრის სერიებისა და 2020 წლის ტოკიოს ზაფხულის ოლიმპიური თამაშების შესარჩევი ტურნირისთვის ემზადება და აფრიკული ტურნე მზადების ერთ-ერთი მნიშვნელოვანი ეტაპია.

ზაზა ლეჟავა, საქართველოს შვიდკაცა რაგბის ნაკრების მწვრთნელი:
„ზიმბაბვეში საერთაშორისო ტურნირზე მიგვიწვიეს, რომელსაც გუნდები მსოფლიო სერიის შესარჩევი, ჰონკონგის ტურნირისთვის მოსამზადებლად იყენებენ და ყოველთვის ძლიერი შემადგენლობა იყრის თავს. იქ ჩადიან სამხრეთ აფრიკისა და კენიის მეორე ნაკრებები, ასევე აფრიკის კონტინენტის სხვა წამყვანი ნაკრებები პირველი შემადგენლობით და ჰონკონგის ტურნირის მონაწილეები. ამიტომ გადავწყვიტეთ, რომ ამ შანსზე უარი არ გვეთქვა და მანამდე ერთი კვირით სამხრეთ აფრიკაში გვევარჯიშა“

შვიდკაცა ნაკრები

ნიკოლოზ გიგაური (არმაზი), ირაკლი სვანიძე (ჯიქი), გიორგი ჭუაძე (აკადემია), ივანე ხელაია (ლოკომოტივი), რამაზ ხარაზიშვილი (იუნკერები), ნიკო აფციაური (ლელო), ლადო მიმინოშვილი (ბათუმი), ილია სპანდერაშვილი (არმაზი), ბონდო ლომიძე (იუნკერები), დიმიტრი კალანდაძე (ჯიქი), ნიკა სუხაშვილი (ჯიქი), დავით თაბუკაშვილი (ხარები), იაგო ხაბულიანი (აია), გიორგი აბრამიძე (აია).

ყოველდღიური სპორტული გაზეთი "ლელო"
1162
მკითხველის კომენტარები / 0 /
მსგავსი ამბები
რუბრიკის სხვა სიახლეები
;