8,5 მილიონი ევრო! დათანხმდება იკარდი იუვენტუსს?

"იუვენტუსი" მზად არის, მაურო იკარდის 5-წლიანი კონტრაქტი, ხოლო ხელფასის სახით 8.5 მილიონი ევრო შესთავაზოს, თანაც, ბონუსების გარეშე. ეს ამბავი სოციალურ ქსელში ცნობილმა ჟურნალისტმა ტანკრედი პალმიერიმ გაახმაურა, ვისი ინფორმაციებიც ძალიან მაღალი ალბათობით მართლდება ხოლმე.

"იუვეს" გარდა, იკარდის სამსახურით დაინტერესებულები არიან ასევე "ნაპოლი", "ატლეტიკო" და პსჟ. ასე რომ, კონკურენცია არ იქნება იოლი. არ არის გამორიცხული, ტურინელებმა გარიგების ნაწილად აქციონ მოიზეს კინი.

ეს 19 წლის ფორვარდი, რომელსაც იტალიის ნაკრებშიც ჰქონდა დებიუტი, სეზონის ერთ-ერთი აღმოჩენაა. კინის კონტრაქტი მომავალი წლის ზაფხულში იწურება.

468
მკითხველის კომენტარები / 0 /
მსგავსი ამბები
რუბრიკის სხვა სიახლეები
;