8-9 დეკემბერს ალანებზე: თავისუფლები უძლიერესი გუნდით

8-9 დეკემბერს საქართველოს თავისუფალი სტილით მოჭიდავეთა ნაკრები ვლადიკავკაზში "ალანებზე" უძლიერესი შემადგენლობით იასპარეზებს.

მის შემადგენლობაში გამოვა თითქმის ყველა ლიდერი, მსოფლიოს ჩემპიონ ზურაბ იაკობიშვილის (70) გარდა. ასევე არ იჭიდავებენ მსოფლიოს ფინალისტი ავთანდილ კენჭაძე (74), მისი ძმა, 23-იანებში მსოფლიოს ჩემპიონი ნიკა კენჭაძე (79) და ამავე ტიტულის მფლობელი გივი მაჭარაშვილი (97). ამათგან პირველ სამს გუნდის მთავარი მწვრთნელი გიორგი იანტბელიძე ასვენებს, მაჭარაშვილი კი ტრავმირებულია. იანტბელიძე სხვა ლიდერებს საქმეში გამოსცდის, თუმცა არა მარტო მათ, რადგან სათადარიგოებიდანაც ბევრს მისცემს შანსს.

შეგახსენებთ, რომ ჩვენი გუნდი 2 დეკემბრიდან მოყოლებული ვლადიკავკაზშია შეკრებაზე და იქ ემზადება ამ ტურნირისთვის, თუმცა მათი მთავარი ამოცანა საქართველოს ჩემპიონატისთვის მომზადებაა, რომელიც 15-20 იანვარს თბილისში გაიმართება.

"ალანებზე" 7 დეკემბერს აწონაა, 8-ში კი გაიმართება წინასწარი ეტაპის შეხვედრები ნახევარფინალების ჩათვლით, 9-ში კი ჩატარდება დამამშვიდებელი წრის ორთაბრძოლები და ფინალური ბლოკი.

დასასრულს იმასაც გეტყვით, რომ ტურნირის ჩემპიონები ჯილდოდ 5 000 დოლარს მიიღებენ, ვიცე-ჩემპიონები - 2000-ს, ხოლო მესამეზე გასულებს 1000-1000 გადაეცემათ.

საქართველოს ნაკრები

57 კგ. ბექა ბუჯიაშვილი, ოთარ გოგავა, გიორგი ღონიაშვილი
61 კგ. ბექა ლომთაძე, გიორგი რევაზიშვილი
65 კგ. ვლადიმერ ხინჩეგაშვილი, ედემი ბოლქვაძე
70 კგ. კოტე ხაბალაშვილი, ლევან ქელეხსაშვილი, რამაზან მალაკოევი
74 კგ. გიორგი სულავა
79 კგ. დავით ხუციშვილი
86 კგ. სანდრო ამინაშვილი
92 კგ. დავით მარსაგიშვილი, ირაკლი მწითური
97 კგ. ელიზბარ ოდიკაძე, ზურაბ ურთაშვილი
125 კგ. გენო პეტრიაშვილი

ყოველდღიური სპორტული გაზეთი "ლელო"
983
მკითხველის კომენტარები / 0 /
მსგავსი ამბები
რუბრიკის სხვა სიახლეები
;