81 ამბავი ბრაიანტზე: რა უთხრა კობიმ რონალდინიოს, როცა მას მესი გააცნო

გამოვიდა მეტად საინტერესო წიგნი კობი ბრაიანტზე, რომელშიც 81 პატარა ამბავია ლეგენდარული კალათბურთელის შესახებ. გთავაზობთ ერთ-ერთ ამბავს:

2006 წელს „ბარსელონა“ ამერიკულ ტურნეში გაემგზავრა. ლოს ანჯელესში კატალონიურ ვარსკვლავთკრებულს ადგილობრივი „ლეიკერსის“ კალათბურთელები დახვდნენ. მათ შორის იყო კობი ბრაიანტი. ის და რონალდინიო უკვე რამდენიმე წლის მეგობრები იყვნენ.

პირველივე შეხვედრის დროს რონალდინიომ ბრაიანტს უთხრა:

- კობი, ერთ ბიჭს გაგაცნობ. მოვა დრო და მას მთელი მსოფლიო აღიარებს. მეტიც, ის მსოფლიოს ყველა დროის საუკეთესო ფეხბურთელი გახდება.

- არ მჯერა! საუკეთესო შენ ხარ! - იყო პასუხი.

- მე არა! საუკეთესო ეს ბიჭი იქნება. აი, ნახავ, მეგობარო! - დარწმუნებული იყო რონალდინიო.

ბრაზილიელი შემოტრიალდა და ხელი ლიონელ მესისკენ გაიშვირა. მესი წამოწითლდა. ის-ის იყო 17 წლისა შესრულდა და ეს მისთვის ძალიან დიდი ქათინაური გახლდათ. ავანსად გაცემული ქათინაური, რომელიც წლების მერე უნდა გაემართლებინა. მერე და, ვინ ამბობდა ამას - თავად რონალდინიო!

4361
მკითხველის კომენტარები / 0 /
მსგავსი ამბები
რუბრიკის სხვა სიახლეები
;