A ლიგა: ტიტებს დავით უსტიაშვილი გაწვრთნის

თბილისის "ტიტების" ახალი მთავარი მწვრთნელი დავით უსტიაშვილი გახლავთ, ვეტერანი კალათბურთელი და საქართველოს დამსახურებული მწვრთნელი "ა" ლიგის გუნდში "ბათუმიდან" გადავიდა.

დავით უსტიაშვილს ზურგს დიდი გამოცდილება უმაგრებს. წლების განმავლობაში საქართველოს ეროვნულ ნაკრებში გორდონ ჰერბერტის და იგორ კოკოშკოვის თანაშემწე გახლდათ, ხოლო 20-წლამდელთა ნაკრებებში მთავარ მწვრთნელად მუშაობდა.

იგი ასევე არის "ბ" ნაკრების მთავარი მწვრთნელი, სუპერლიგაში მუშაობდა თსუ-ში, რუსთავის "ენერჯი ინვესტში", "ბათუმში", "შსს აკადემიაში", "ქუთაისში"...

განსაკუთრებით წარმატებულად "ენერჯიში" მუშაობდა, რუსთაველებს სამჯერ საქართველოს ჩემპიონობა და დუდუ დადიანის მემორიალი მოაგებინა, 2-ჯერ ქორქია-საკანდელიძის მემორიალი და სუპერთასი, 2009 წელს კი საქართველოს თასი.

2006 წელს თსუ-ს თასი და სუპერთასი ააღებინა. "ქუთაისთან" და "ბათუმთან" ერთად ბრინჯაოს მედლები მოიპოვა.

ყოველდღიური სპორტული გაზეთი "ლელო"
417
მკითხველის კომენტარები / 0 /
მსგავსი ამბები
რუბრიკის სხვა სიახლეები