ClutchPoints: ფაჩულია და კავაი ერთად, კლიპერსში 

NBA-ში თავისუფალ აგენტთა ბაზარი პირველ ივლისს გაიხსნა. კლუბები სერიოზულად ბუშაობენ, მნიშვნელოვან ცვლილებებს ახორციელებენ. ჩვენ კი ველით ზაზა ფაჩულიას გვარის გამოცხადებას - იგი გასულ სეზონში „დეტროიტში“ თამაშობდა და პირველ ივლისს კონტრაქტიც ამოეწურა.

ჯერჯერობით ზაზას ახალი გუნდის ვინაობა არ გაცხადებულა. თუმცა ბევრი მსჯელობაა მის მომავალ ნავსაყურელთან დაკავშირებით. მაგალითად, გამოცემა ClutchPoints ზაზას მომავალს „კლიპერსს“ უკავშირებს, სადაც ახლახან გადავიდა კავაი ლეონარდი. სწორედ ის კალათბურთელი, რომელმაც ორი წლის წინ ზაზასთან შეჯახების შემდეგ კოჭი გადაიბრუნა და ამ ამბავს არაერთგვაროვანი რეაქცია მოჰყვა.
აი, რას წერს ClutchPoints:

„მონტრეც ჰარელმა მეტი სათამაშო დრო დაიმსახურა მას მერე, რაც 2018/19 წლების სეზონში ყველა გააკვირვა კარგი თამაშით. კლიპერსი ცენტრის პოზიციაზე ივიცა ზუბაცს ეყრდნობა, რომელიც ლეიკერსს გაუცვალეს და 4-წლიანი კონტრაქტი გაუფორმეს ($28 მილიონი).

ჰარელი კარგი შოთბლოკერია, მაგრამ მისი დაცვითი უნარები ლიმიტირებულია. ზუბაციც კი, დოკ რივერსმა როტაციაში გაუშვა, მას მერე რაც „გოლდენ სტეიტთან“ დაცვაში შეცდომების სერია დაუშვა. 

ამ დროს ფაჩულია, NBA-ში ერთ-ერთი საუკეთესოა ტექნიკურად გუნდურ დაცვაში. ასევე ძალზე მნიშვნელოვანია, რომ ის „სქრინების დაყენების“ დიდოსტატია, ეს კი ძალზე მნიშვნელოვანია შემტევი გუნდისთვის, ვისაც ლეონარდი და შამეტი ჰყავს. ზაზა აგრეთვე ექსპერტია ფარის დაცვაში, ეს კი ძალზე მნიშვნელოვანი შეიძლება გამოდგეს, თუ კლიპერსი ლეიკერსს, დენვერს ან ფილადელფიას შეხვდება პლეი ოფში“.

ყოველდღიური სპორტული გაზეთი "ლელო"
728
მკითხველის კომენტარები / 0 /
მსგავსი ამბები
რუბრიკის სხვა სიახლეები
;