ზურაბ დათუნაშვილი: ჩემპიონობით კმაყოფილი ვარ, ხარისხით - არა

თბილისელი ევროპის ორგზის ჩემპიონი ზურაბ დათუნაშვილი საქართველოს ჩემპიონატის ერთ-ერთი გამოკვეთილი ვარსკვლავი იყო და მისი გამარჯვება არავის გაჰკვირვებია.

პირიქით - წაგება იქნებოდა გასაოცარი იმის მიუხედავად, რომ ფინალში მეტოქედ მსოფლიოს ბრინჯაოს მედალოსანი ლაშა გობაძე ჰყავდა. დათუნაშვილმა უკვე მესამედ მოუგო მას ფინალი, თუმცა ამჯერად ყველაზე მეტად გაუჭირდა.

შეხვედრაც ფრედ დასრულდა - 1:1, თუმცა ზურამ ბოლო ქულის წესით გაიმარჯვა. თავდაპირველად, მას თავის ჭიდაობაზე დავეკითხეთ, რამდენად იყო კმაყოფილი საკუთარი გამოსვლით, რაზეც შემდეგი გვიპასუხა:

- ჩემპიონი რომ გავხდი, ამით კმაყოფილი ვარ, მაგრამ ჩემი ჭიდაობის ხარისხით - არა. ფეხის ტრავმა მაწუხებდა, რომელიც ახლახანს მოვირჩინე და მოსამზადებელი პერიოდი ვერ გავიარე. ეს აისახა კიდეც ჩემს ჭიდაობაზე, მაგრამ მადლობა ღმერთს, გამოცდილებით მაინც მოვიგე.

- როგორ ფიქრობთ, ძირითადად რის ხარჯზე უგებთ გობაძეს - ამ ძლიერ კონკურენტს?

- ამ ფინალში გამოცდილების ფაქტორიც იყო და. ალბათ, შეხვედრაც ტაქტიკურად ლაშაზე უკეთ დავალაგე. თან გაფრთხილებებით მოვიგე, რადგან ბოლო გაფრთხილება მას მივაღებინე. ერთმანეთს კარგად ვიცნობთ, ხშირად შეხვედრივართ და ყოველთვის სხვადასხვა იყო გამარჯვების მიზეზი.

822
მკითხველის კომენტარები / 0 /
მსგავსი ამბები
რუბრიკის სხვა სიახლეები