Eurobasket.com: თორნიკე შენგელია საუკეთესოა

ესპანეთის ლიგას არა, მაგრამ Eurobasket.com-მა თორნიკე შენგელია ესპანეთის ჩემპიონატის ტურის საუკეთესო მოთამაშედ აღიარა. შეგახსენებთ, რომ მე-12 ტურში ქართელი ფორვარდის “ბასკონია” ბექა ბურჯანაძის “მორაბანკ ანდორას” ესტუმრა და დრამატულ ბრძოლაში 97:94 იმარჯვა, ჩვენებური კი მატჩის ერთერთი გმირი შეიქმნა. 26 წლის ქართველმა ფორვარდმა მოედანზე 22:27 წუთი გაატარა და 20 ქულა, 7 მოხსნა (3 შეტევაში), 1 პასი და 2 ჩაჭრა მიითვალა.

თორნიკემ 11-დან 6 ორქულიანი, 2-დან 1 სამქულიანი და 10-დან 5 საჯარიმო ჩააგდო, ბურთი ერთხელ დაკარგა, 3 პერსონალური ფოლი მიიღო, მის წინააღმდეგ კი 6-ჯერ დაჯარიმდნენ. აღსანიშნავია, რომ საფინალო სირენამდე 40-ოდე წამით ადრე შენგელიამ სტუმრები სამქულიანით დააწინაურა და “ბასკონიამ” საქმის გამარჯვებამდე მიყვანა მოახერხა.

ამ დროისთვის, თოკო ჩემპიონატში სარგებლიანობის კოეფიციენტის (21.0) მიხედვით მეორეა, საუკეთესო მექულეთა შორის 17.5 ქულით მე-3 გახლავთ, მოხსნებში (5.9) – მე-8 და თამაშიდან სოლიდური 61.5%-იანი მაჩვენებლით უტევს.

1322
მკითხველის კომენტარები / 0 /
მსგავსი ამბები
რუბრიკის სხვა სიახლეები
;