FIFA კლუბებს: ფანჯარა გვიან გაიღება...

ფიფამ თავის ვებ გვერდზე რეგლამენტში რამდენიმე შესაძლო ცვლილებების შესახებ დაანონსა.

მოგეხსენაბთ, კორონავირუსის პანდემიამ, მსოფლიო ფეხბურთში უპრეცედენტო სიტუაცია შექმნა. ამის გამო ფეხბურთის მმართველმა ორგანიზაციამ გადაწყვიტა, სატრანსფერო ფანჯრის ვადები შეცვალოს. ჯერჯერობით, ცნობილი არ არის კონკრეტული თარიღები, როდის გაიხსნება სატრანსფერო ფანჯარა და როდემდე შეეძლებათ კლუბებს ახალი ფეხბურთელების შეძენა, ამის შესახებ განცხადება მოგვიანებით გაკეთდება.

ამას გარდა, ფიფამ მოუწოდა კლუბებს, იმ ფეხბურთელებს, ვისაც 2020 წლის ზაფხულში კონტრაქტები უმთავრდებათ, გაუგრძელონ ხელშეკრულებები მინიმუნ საფეხბურთო სეზონის ფაქტობრივ დასრულებამდე.

კიდევ ერთი საინტერესო საკითხი ის გახლავთ, რომ ფიფა დაჟინებით თხოვს ფეხბურთელებსა და კლუბებს მოილაპარაკონ ხელფასების შემცირებაზე. თუ ამ კუთხით შეთანხმება მაინც ვერ შედგება, მაშინ შრომითი ხელშეკრულება არსებული წესის მიხედვით შეწყდება, თუმცა გათვალისწინებული იქნება რამდენიმე ფაქტორი, მათ შორის, იყო თუ არა მოლაპარკების მცდელობა ხელფასების შემცირებაზე, კლუბის ეკონომიკური მდგომარეობა, იყო თუ არა ერთნაირი შეთავაზება ყველა ფეხბურთელის მიმართ...

342
მკითხველის კომენტარები / 0 /
მსგავსი ამბები
რუბრიკის სხვა სიახლეები
;