GO GOGA: გოგა ბითაძე - სულ უფრო დიდი მოლოდინი NBA-ში 

ამერიკაში NBA-ის დრაფტის ლატარეა გაიმართა, რომელშიც 6%-იანი შანსით გაიმარჯვა ნიუ ორლეანმა, რომელსაც დრაფტის ყველაზე კაშკაშა ვარსკვლავი ზაიონ უილიამსონი შეხვდება (სავარაუდოდ). ჩვენ კი ეს ამბავი გოგა ბითაძის გამო გვაინტერესებს - „მეგა ბიმაქსის“ ქართველი ცენტრი გოგა ბითაძე ოფიციალურად დრაფტზეა. სავარაუდოდ, მას 20 ივნისს დრაფტის პირველ წრეში აირჩევენ. 

დრაფტის ლატარეის შემდეგ საიტებმა პროგნოზები განაახლეს. ჩვენ ორ ყველაზე საინტერესოს გაგაცნობთ:

სპორტს
ილუსტრეიდი -
ატლანტა, მე-10

„ატლანტა ჰოუკსს“ ლატარეაში არ გაუმართლდა, თუმცა ტოპ-10-ში ორი არჩევის უფლება აქვს - მე-8 და მე-10. „სპორტს ილუსტრეიდის“ ჟურნალისტი ჯერემი ვუ წერს, რომ მერვე ნომრად „ატლანტა“ „ვირჯინიის“ ფორვარდ დეანდრე ჰანტერს აიყვანს, ხოლო მეათე ნომრად - 19 წლის ქართველს. 
„დალასი“ ოთხეულში ვერ მოხვდა და მისი დრაფტის უფლება, შეთანხმების საფუძველზე, „ატლანტას“ გადაეცა - ბითაძე კარგი ვარიანტია, მან შეიძლება ცენტრის კრიზისული სიტუაცია გამოასწოროს გუნდში და თან მისი აყვანა ახალი გუნდის შენების მხრივაც შესანიშნავი ნაბიჯია. ქართველ ცენტრს ზურგს შთამბეჭდავი სეზონი უმაგრებს „მეგა ბიმაქსსა“ და „ბუდუჩნოსტში“. მას ყველაფერი უწყობს ხელს, რომ NBA-ის კარიერა წარმატებით დაიწყოს - სიმაღლე, მაღალ დონეზე თამაშის გამოცდილება, კარგი გადაადგილება მოედანზე, სროლის უნარი. ძალიან დიდი ალბათობით, გოგას სწორედ ლატარეის არეალში აიყვანენ“, - წერს ჯერემი ვუ.

ბლიჩერ რეპორტი -
ბოსტონი, მე-14

საკუთარი ვარაუდები ლატარეის შემდეგ „ბლიჩერ რეპორტმაც“ შემოგვთავაზა - ანალიტიკოს ჯონათან ვასერმანს მიაჩნია, რომ გოგა „ბოსტონ სელტიკსს“ შეხვდება, რომელსაც ლატარეაში ყველაზე მეტად არ გაუმართლდა - ბოლო, მე-14 ნომერი შეხვდა. 

„გოგა ბითაძე ახლახან ევროლიგის ამომავალ ვარსკვლავად დაასახელეს. მისით სწორედ ლატარეის ზონაში არიან დაინტერესებულნი. ქართველმა ცენტრმა ამ სეზონში ბევრად გაიუმჯობესა მონაცემები, სროლასა და ნახტომში. გოგა შესაძლოა, ასოციაციის დონეზე ვერ გახდეს შეტევაში მთავარი ვარსკვლავი და სუპერდამცველი, მაგრამ მას ყველა მოიაზრებს ლატარეის ზონის ბოლოსკენ, ან პირველი წრის შუაში ამ დრაფტზე“, - წერს ვასერმანი.

ყოველდღიური სპორტული გაზეთი "ლელო"
730
მკითხველის კომენტარები / 0 /
მსგავსი ამბები
რუბრიკის სხვა სიახლეები
;