[Golden Boy 2020] ეს უკვე აღიარებაა!.. ნომინანტებს შორის ახალგაზრდა ქართველი ფეხბურთელიც არის!..

როგორც ua-football.com წერს, 21 წლის გიორგი წიტაიშვილი Golden Boy 2020-ის ნომინანტებს შორისაა. იტალიური სპორტული გამოცემა "ტუტოსპორტი" პრესტიჟულ ჯილდოს გადასცემს წლის განმავლობაში თავგამოჩენილ ყველაზე პერსპექტიულ ფეხბურთელს.

შარშან Golden Boy მადრიდის "ატლეტიკოს" ფორვარდმა ჟოაო ფელიქსმა მიიღო. წიტაიშვილი კიევის "დინამოს" ფეხბურთელია. 2019 წელს მან უკრაინის 20-წლამდელთა ნაკრებთან ერთად მსოფლიოს ჩემპიონატი მოიგო.

ის ახლო წარსულში ქართველი ფეხბურთელის, კობა წიტაიშვილის ვაჟია. ალბათ, შორს არ არის ის დღე, როცა გიორგის უკრაინის ეროვნულ ნაკრებში მიიწვევენ. როგორც ჩანს, სწორედ ამ პერსპექტივის გამო, ახალგაზრდა ფეხბურთელი ჯერჯერობით თავს იკავენ მშობლიური ქვეყნის მთავარი გუნდის მაისურით თამაშზე.

Golden Boy 2020-ზე წიტაიშვილს საკმაოდ ძლიერი კონკურენტები ჰყავს. სიაში 100 პრეტენდენტია, მათ შორის, ალფონსო დევისი ("ბაიერნი"), ერლინგ ჰაალანდი და ჯეიდონ სანჩო (ორივე - "დორტმუნდი"), ედუარდო კამავინგა ("რენი"), კალუმ ჰადსონ-ოდოი ("ჩელსი") და სხვები.

ვუსურვოთ გიორგი წიტაიშვილს წარმატებები!..

5163
მკითხველის კომენტარები / 3 /
რ.ბარათელი
0
უგულშემატკივონ უკრაინამ.ჩვენ რაში გვაინტერესებს.?
status quo
0
ქართველია ეს ბიჭი? ისემც რა ვუთხარი....ჩვენს ხალხს ეროვნული თავმოყვარეობა არ გააჩნიათ,ფული ყველაფერზე წინ უდგათ.
მსგავსი ამბები
რუბრიკის სხვა სიახლეები
;