2008... რა ხდებოდა ოლიმპიადაზე მაშინ, როცა საქართველოში რუსის ჯარი შემოიჭრა [VIDEO]

10 წლის წინათ, როდესაც საქართველოს ტერიტორიაზე რუსეთის ჯარი შემოიჭრა, პეკინში ოლიმპიური თამაშები მიმდინარეობდა.

ქართველები ჩინეთის დედაქალაქში შეიკრიბნენ და უნდა გადაეწყვიტათ: დაეტოვებინათ ოლიმპიადა და შინ დაბრუნებულიყვნენ, თუ ასპარეზობა განეგრძოთ...

...განაგრძეს. თუმცა ომმა სპორტსმენებზე ძალიან იმოქმედა და ირაკლი ცირეკიძის გამოსვლამდე ამაოდ ველოდით ძიუდოისტებისგან ოქროს მედალს. 

ირაკლიმ კი შეჯიბრება ეფექტურად დაიწყო, ასევე დაამთავრა და ქვეყანას სევდანარევი სიხარული მოჰგვარა. ნახევარფინალში მან რუსი პერიშევი შებოჭა -ამ გამარჯვების შემდეგ მსოფლიოს ზურგზე მიანიშნა, სადაც დიდი ასოებით GEO ეწერა.

დაჯილდოვების ცერემონიალზე ცირეკიძეს ოქროს მედალთან ერთად შავი ლენტი ეჭირა.

დანარჩენს ვიდეოზე იხილავთ.

1928
მკითხველის კომენტარები / 0 /
მსგავსი ამბები
რუბრიკის სხვა სიახლეები