Lasportshub: ფაჩულია კლიპერსში კავაი ლეონარდთან

NBA-ში დიდი სატრანსფერო ამბებია. ზოგი საჩემპიონოდ ძლიერდება, ზოგი მომავალ ლებრონებს არჩევს და მათ ნაციონალური საკალათბურთო ლიგაში ასოცირებისთვის ემზადება.

ჯერჯერობით კონტრაქტები არ აქვთ ქართველ კალათბურთელებს ზაზა ფაჩულიასა და გოგა ბითაძეს. გოგა ამერიკაში ჯერ ვერ ჩავიდა და "ინდიანამ" საზაფხულო ლიგის მეორე მატჩი მის გარეშე ითამაშა. გოგას არყოფნის მიზეზი სავიზო საკითხებია, რომელიც, სავარაუდოდ მალევე მოგვარდება.

რაც შეეხება ზაზა ფაჩულიას, იგი 1 ივლისიდან თავისუფალი აგენტია, "დეტროიტთან" კონტრაქტი ამოეწურა. ამ გუნდში მის დარჩენაზე ლაპარაკი კიდევ მიდის, თუმცა რამდენად რეალურია ეს ახლო მომავალში გამოჩნდება.

გამოცემა Lasportshub-მა კი, ახალი ვერსია შემოგვთავაზა: ზაზა ფაჩულია კავაი ლეონარდთან, "კლიპერსში". შეგახსენებთ, რომ ორიოდე დღის წინ ლოს ანჯელეს "კლიპერსმა" სწორედ ლეონარდი და პოლ ჯორჯი დაიმატა. ეს უკვე საჩემპიონო ამბიციებზე მეტყველებს.

რა მოხდა 2003 წელს ფაჩულიას დრაფტზე და რა მოხდება 2019 წელს ბითაძის დრაფტზე?

Lasportshub-ის ახალი პუბლიკაცია ასეთი სათაურითაა: "კლიპერსისთვის" შემდეგი ნაბიჯი ცენტრის დამატება იქნება".

ტექსტში განხილულია წინა ხაზში არსებული მდგომარეობა. სადღეისოდ მხოლოდ ერთი ცენტრია - მონტრეზლ ჰერელი, რომელსაც ხუთის გარდა ოთხ ნომრადაც შეუძლია თამაში.

რადგან ლოსანჯელესელებს ძვირადღირებული მეფარის ყიდვისთვის ფული არ დარჩათ, ვეტერან ცენტრზე გააკეთებენ აქცენტს. ასეთთა შორისაა ზაზა ფაჩულია. მასთან ერთად პუბლიკაციაში დასახელებულია პაუ გასოლის, იოაკიმ ნოასა და ტაისონ ჩენდლერის ვარიანტები.

დაველოდოთ მოვლენების განვითარებას.

3200
მკითხველის კომენტარები / 0 /
მსგავსი ამბები
რუბრიკის სხვა სიახლეები
;