[ყველა ლელოს VIDEO] ბორჯღალოსნებმა რუმინეთი 41:13 გატეხეს... ანთიმოზ ივერიელის თასი ჩვენია!

საქართველოს ნაკრები რაგბი ევროპის ჩემპიონატს რუმინეთთან თბილისური მატჩით გახსნის. შეხვედრა "დინამო არენაზე" დაიწყო. 

თამაშამდე ბევრი იყო მსჯელობა ჩატარდებოდა თუ არა მატჩი, რადგან რუმინეთის ნაკრების რამდენიმე მოთამაშე ვირუსით იყო და მაღალი ტემპერატურით ზოგიერთი საავადმყოფოშიც აღმოჩნდა.

აი, საქართველოს ნაკრების შემადგენლობა:

15. ლაშა ხმალაძე, 14. მირიან მოდებაძე, 13. დავით კაჭარავა, 12. გიორგი კვესელაძე, 11. ალექსანდრე თოდუა, 10. თედო აბჟანდაძე, 9. ვასილ ლობჟანიძე; 1. მიხეილ ნარიაშვილი (კაპ.), 2. შალვა მამუკაშვილი, 3. ბექა გიგაშვილი, 4. ნოდარ ჭეიშვილი, 5. კონსტანტინე მიქაუტაძე, 6. ბექა საღინაძე, 7. გიორგი ცუცქირიძე, 8. ბექა გორგაძე.

მარქაფა: 16. გიორგი ჭყოიძე, 17. გურამ გოგიჩაშვილი, 18. გიორგი მელიქიძე, 19. შალვა სუთიაშვილი, 20. მიხეილ გაჩეჩილაძე; 21. გელა აფრასიძე, 22. ლაშა მალაღურაძე, 23. სოსო მათიაშვილი.

7' წუთი. თედო აბჟანდაძემ მშვენივრად დაინახა დერეფანი რუმინელთა დაცვაში და ელვის სისწრაფით შეიქროლა ჩათვლის ხაზში - 5:0.

11' წუთი. ვლაიკუმ საჯარიმოთი სხვაობა ორამდე შეამცირა.

23' წუთი. რუმინელები თამამად ათამაშდნენ, მეორე საჯარიმო დარტყმის უფლება მოიპოვეს და ვლაიკუმ სტუმრები 6:5 დააწინაურა.

29' წუთი.სიტუაცია დაიძაბა,მორაგბეები ერთმანეთს დაუპირისპირდნენ, თუმცა, საბედნიეროდ საქმე მხოლოდ ხელისკვრით შემოიფარგლა.

37' წუთი.თედო აბჟანდაძემ საჯარიმო ზუსტად შეასრულა და საქართველოს ნაკრებს პირველი ტაიმი 8:6 მოაგებინა. რვავე ქულა მის ანგარიშზეა.

49' წუთი. საქართველოს ნაკრებმა მეორე ტაიმი მწვავე შეტევით დაიწყო, რაც მირიან მოდებაძის ლელოთი დაგვირგვინდა.

53' წუთი. ლაიკუმ სწრაფადვე გვიპასუხა ლელოთი მარცხენა ფლანგიდან. თავადვე გარდასახა და ანგარიში გაათანაბრა - 13:13.

56' წუთი.აუტიდან შემოტანილი ბურთი კარგად მივიტანეთ რუმინელთა ჩათვლის ხაზთან. გიგაშვილმა ბურთი აიღო და კარგად გადადო ლელოში. აბჟანდაძის გარდასახვის შემდეგ 20:13 დავწინაურდით.

67' წუთი. დავით კაჭარავამ ეფექტურად გაჭრა რუმინეთის ნაკრების დაცვა. გარდასახვა, რა თქმა უნდა, აბჟანდაძის ანგარიშზეა - 27:13.

71' წუთი. დავით კაჭარავამ მშვენიერი, სწრაფი იერიში მორიგი ლელოთი დაასრულა:

75' წუთი.ქართველებმა მატჩი მოლით დააგვირგვინეს, ლელოს გატანის პატივი კი ჭყოიძეს ერგო. გარდასახვა ზუსტად დაარტყა თედო აბჟანდაძემ და 41:13 საქართველოს ნაკრების სასარგებლოდ.

ანთიმოზ ივერიელის თასი ჩვენია:

გიორგი ჟამერაშვილის ფოტო

4001
მკითხველის კომენტარები / 1 /
ჯუბა
0
სტადიონი რომ არ გაივსო ,გუგული მაღრაძეს უმადლიდათ.მოიკითხავენ ალბათ მწეველები.
მსგავსი ამბები
რუბრიკის სხვა სიახლეები
;