[ყველა ლელოს VIDEO] საქართველო-ურუგვაი. ქართულ ლელოებს თვლა აღარ აქვს - 33:7!

29 სექტემბერი, 9:15 - ეს გახლავთ მსოფლიოს თასზე საქართველო-ურუგვაის მატჩის დაწყების დრო.

ქართველები ორი საათით ადრე დაიძრნენ კუმაგაიას სტადიონისკენ. იაპონელები ორად იყოფიან: ზოგს ურუგვაის დროშა დაუხატავს, ზოგს - საქართველოსი.

ასე უკვე სტადიონზე გვქომაგობენ:

"ბორჯღალოსნებს" გასახდელი ასე დახვდათ:

ბრძოლა იწყება...

ჰიმნი და დაიწყო!

მე-9 წუთზე საქართველომ პირველი ლელო გაიტანა. ეს სანდრო თოდუამ გააკეთა. მახვილი კუთხიდან თედო აბჟანდაძემ გარდასახვა ვერ მოახერხა.

ლელო ახლო კადრით:

საქართველოსა და ურუგვაის დაპირისპირებას თვალს ადევნებს საფეხბურთო კლუბ "ბარსელონას" ურუგვაელი ვარსკვლავი ლუის სუარესი. მან "ტვიტერის" მეშებით წარმატება უსურვა თანამემამულეებს.

 29-ე წუთზე მეორე ლელო გავიტანეთ. მიძალების შემდეგ ოთარ გიორგაძემ ბურთი ურუგვაის ჩავთლის ზონაში დაამიწა.

ოთარ გიორგაძის ისტორიული ფოტო: მეორე ლელო ურუგვაის.

პირველი ტაიმლაინი:

მეორე ტაიმი დაიწყო და "ბორჯღალოსნებმა" კვლავ მძლავრად შეუტიეს. მიძალება და ლევან ჩილაჩავას ლელო 42-ე წუთზე!

თედო აბჟანდაძემ გარდასახა და 19:7.

მსოფლიოს თასზე ორილელოს ავტორი ლევან ჩილაჩავა მილოცვას იღებს:

51-ე წუთი. კაპიტანმა ჯაბა ბრეგვაძემ საქართველოს პრემიალური ლელო მოუტანა. აქამდე ჩვენს გუნდს არც ერთ მსოფლიოს თასზე არ აუღია პრემიალური ქულა. აბჟანდაძის გარდასახვა და 26:7.

დააკვირდით ფოტოს, ეს გახლავთ ტიპიური ქართული ლელო - მიძალება და მთელი გუნდით მეტოქის ჩათვლის ხაზში:

57-ე წუთზე ჯაბა ბრეგვაძემ მეტოქის ჩათვლის ხაზთან სივრცე შენიშნა, ბურთი ფეხით გადაჰკიდა. ურუგვაელებმა ბურთი კი დაიჭირეს, მაგრამ მოგერიება არ იჩქარეს, ამას მეორე შეცდომა მოჰყვა... დაბნეულობით მშვენივრად ისარგებლა კვესელაძემ და საქართველოს ნაკრებს ამ მატჩში მეხუთე ლელო მოუტანა.

აბჟანდაძე რომ გარდასახავდა, კარგად მოგეხსენებათ - 33:7.

მილოცვებს იღებს გიორგი კვესელაძე:

შერკინების ამ ფოტოდან ნამდვილად არ ჩანს, მაგრამ სინამდვილეში ქართული შერკინება გაცილებით ძლიერია. თავად განსაჯეთ: საქართველოს ნაკრები 917 კილოგრამს იწონის, მაშინ, როცა ურუგვაელები 100 კილოგრამით მსუბუქები არიან.

მეორე ტაიმლაინი

ჩვენი კორესპონდენტის ბესიკ ჯანგავაძის მიერ გადაღებული გამარჯვების ემოცია:

მატჩის საუკეთესო მორაგბე ოთარ გიორგაძეა.

6605
მკითხველის კომენტარები / 0 /
მსგავსი ამბები
რუბრიკის სხვა სიახლეები
;