ეროვნული ლიგა. კარგი პირველი ტაიმი და 'დინამომ' 'რუსთავი' დაამარცხა

ეროვნული ლიგის მე-19 ტური თბილისში, "დინამო არენაზე" გაიხსნა. "დინამომ" "რუსთავს" უმასპინძლა და 2:1 დაამარცხა.

თბილისელებმა პირველივე ტაიმში მოიპოვეს ორბურთიანი უპირატესობა. ჯერ აკაკი შულაიამ გაიტანა დავით კობოურის პასით, შემდეგ - აკაკი ნინუამ ბუდუ ზივზივაძის პასით. პირველი გოლი მე-18 წუთზე გავიდა, მეორე - 34-ეზე.

მეორე ტაიმი შედარებით მშვიდი გამოდგა, თუმცა 90-ე წუთზე "დინამოს" დაცვამ სერიოზული შეცდომა დაუშვა - თემურ ჩოგაძის გადაცემის შემდეგ მეკარესთან პირისპირ აღმოჩნდა ელგუჯა ლობჯანიძე და შანსი ხელიდან არ გაუშვა.

დარჩენილ სამ წუთში ანგარიში აღარ შეცვლილა და "დინამომ" სეზონში მეთოთხმეტე გამარჯვება მოიპოვა.

1526
მკითხველის კომენტარები / 0 /
მსგავსი ამბები
რუბრიკის სხვა სიახლეები
;