+26! შერმადინის "ტენერიფემ" ბერძნული "პერისტერი" დაიბრიყვა [VIDEO]

საკალათბურთო ჩემპიონთა ლიგაში მეათე ტურის მატჩი გამართა და მეცხრედ მოიგო გიორგი შერმადინის "ტენერიფემ". ესპანელები ბერძნულ "პერისტერის" ესტუმრნენ, რომელსაც დეკემბრამდე საქართველოს ნაკრების თავკაცი ილიას ზუროსი წვრთნიდა. ხელმძღვანელობის მოულოდნელი გადაწყვეტულებით შუა სეზონში ბერძენმა სპეციალისტმა კლუბი დატოვა.

ამ მატჩში "პერისტერის" ვერც ზუროსი უშველიდა, გუნდს ნამდვილად არ ჰყავს ის შემადგენლობა, "ტენერიფეს" თუნდაც საშინაო მატჩში რომ მოუგებს. სხვაობა კი საკმარისზე მეტი აღმოჩნდა - 80:54.

გიორგი შერმადინმა მატჩი სათადარიგოთა სკამიდან დაიწყო, რაც იმაზე მიგვანიშნებს, რომ მისმა მწვრთნელმა წინასწარ იცოდა, რომ გამარჯვებას ესპანეთში წაიღებდა. გიორგის მონაგარი ასეთი იყო: 18 წუთი, 8 ქულა (4-დან 2 ორქულიანი, 4-დან 4 საჯარიმო), 4 მოხსნა.

ორმაგი დუბლი შეასრულა შერმადინის თანაგუნდელმა მარსელინიო უერტასმა - 11 ქულა, 10 პასი.

"ტენერიფეს" 9 მოგება, 1 წაგება აქვს და ჩ ჯგუფში პირველ პოზიციაზეა. ჩემპიონთა ლიგაზე მომდევნო მატჩს 14 იანვარს მეორეადგილოსან "ნიმბურკთან" (ჩეხეთი) შინ გამართავს.

1399
მკითხველის კომენტარები / 0 /
მსგავსი ამბები
რუბრიკის სხვა სიახლეები
;