Marca-მ ფიფას წლის რჩეულთა ვინაობა ნაადრევად გაამჟღავნა

ესპანელი ჟურნალისტების ინფორმაციით, მადრიდის "რეალისა" და პორტუგალიის ნაკრების თავდამსხმელი კრიშტიანო რონალდო ფიფას ვერსიით, მსოფლიოს წლის საუკეთესო ფეხბურთელად დასახელდება. ამის შესახებ Marca იუწყება.

შეგახსენებთ, რომ ამ პრემიაზე ნომინირებულნი ასევე არიან ლიონელ მესი ("ბარსელონა") და ნეიმარი (პსჟ), ფიფას დაჯილდოვების ცერემონია კი ლონდონში 23 ოქტომბერს უნდა ჩატარდეს.

რჩეულები უნდა დასახელდნენ ნომინაციებში: საუკეთესო მოთამაშე მამაკაცი, საუკეთესო მოთამაშე ქალი, მამაკაცთა გუნდის საუკეთესო მწვრთნელი, ქალთა გუნდის საუკეთესო მწვრთნელი, საუკეთესო მეკარე და საუკეთესო ფეხბურთელი.

ესპანური გამოცემის მტკიცებით, ფიფას ვერსიით წლის საუკეთესო მწვრთნელი "რეალის" თავკაცი ზინედინ ზიდანი გახდება, საუკეთესო მეკარედ კი (ფიფა ამ პრემიით პირველად აჯილდოებს) ტურინის "იუვენტუსის" გოლკიპერ ჯანლუიჯი ბუფონს დაასახელებენ.

გასულ საზეონში რონალდო ჩემპიონთა ლიგის საუკეთესო ბომბარდირი გახდა 13 მატჩში გატანილი 12 გოლით. ის უეფას ვერსიით ევროპის საუკეთესო ფეხბურთელად დასახელდა.

1723
მკითხველის კომენტარები / 0 /
მსგავსი ამბები
რუბრიკის სხვა სიახლეები