MARCA: საქართველოში ჯუკიჩის პენალტი გამეორდა [VIDEO]

პოპულარული ესპანური გამოცემა "მარკა" საქართველოს ჩემპიონატის დრამატულ ფინალს გამოეხმაურა და "დეპორტივოს" ყოფილი ფეხბურთელის, მიროსლავ ჯუკიჩის მიერ ვერგატანილი პენალტი გაიხსენა.

"საქართველოში "ჯუკიჩის პენალტი" გამეორდა: ქუთაისის "ტორპედო" ამ დღეს ვერასოდეს დაივიწყებს" - ვკითხულობთ სათაურში, შემდეგ კი სტატიაში:

"თბილისის "დინამოს" საკუთარ სტადიონზე ქუთაისის "ტორპედოსთან" შეხვედრაზე ქულაც ჰყოფნიდა, საქართველოს ჩემპიონი რომ გამხდარიყო. ყველაფერი კარგად მიდიოდა, სანამ 74-ე წუთზე თორნიკე კაპანაძემ "დინამოს" არ გაუტანა.

თბილისელებს ეროვნულ ლიგაში გასამარჯვებლად გოლი სჭირდებოდათ და მათ ამის მშვენიერი შანსიც მიეცათ. პენალტი ოთარ კიტეიშვილმა დაარტყა, როინ კვასხვაძემ ბურთი მოიგერია, მაყურებლის უზომო სიხარული გამოიწვია და გუნდი მეოთხედ გააჩემპიონა.

ზუსტად ისე მოხდა, როგორც 1994 წელს, როცა "დეპორტივოს" ბოლო ტურში "ვალენსიასთან" მოგება შეეძლო, მაგრამ ლაკორუნიელთა ფეხბურთელმა მიროსლავ ჯუკიჩმა (ამჟამად ბელგრადის "პარტიზანის" მთავარი მწვრთნელია) პენალტი ვერ გაიტანა და ჩემპიონობა "ბარსელონას" ერგო", - წერს MARCA.

ყოველდღიური სპორტული გაზეთი "ლელო"
762
მკითხველის კომენტარები / 0 /
მსგავსი ამბები
რუბრიკის სხვა სიახლეები