MVP ადრიან ბოუი

სუპერლიგა დასრულდა. კალათბურთის ფედერაციის გამოკითხვით გამოვლინდა საუკეთესო კალათბურთელი.

ეს გახლავთ მგზავრების უკანახაზელი ადრიან ბოუი, რომელსაც ამ სეზონში საქართველოს თასსა თუ ჩემპიონატში არაერთი სამმაგი დუბლი მოუგროვდა. ეს კი იმას ნიშნავს, რომ ადრიანი მრავალმხრივი კალათბურთელია და თავის გუნდსაც საკმარისად დაეხმარა ნახევარფინალამდე მისვლაში. სუპერლიგაში მისი საშუალო მონაგარი ასეთი იყო: 20.2 ქულა, 7.4 მოხსნა, 6.4 პასი.

მეორე ადგილზე გავიდა აკაკი დვალიშვილი, „ქუთაისის“ ცენტრი, რომელიც თითქმის ყოველ მატჩში ორმაგ დუბლს ასრულებდა.

საშუალოდ: 16.5 ქულა, 8.4 მოხსნა. ფინალური სერიის გადამწყვეტ მატჩში აკაკიმ 26 ქულა და 15 მოხსნა ჩაიწერა, თუმცა „დელტასთან“ დამარცხდა და ვერცხლის მედალს დასჯერდა.

გამოკითხვაში მესამე იყო „დინამოს“ მეფარე დემაგოი ბუბალო. მას საშუალოდ ორმაგი დუბლი ჰქონდა: 18.3 ქულა, 10.4 მოხსნა.

ყოველდღიური სპორტული გაზეთი "ლელო"
146
მკითხველის კომენტარები / 0 /
მსგავსი ამბები
რუბრიკის სხვა სიახლეები
;