MVP-ის ტიტულის პრეტენდენტი გიორგი შერმადინი ევროთასს გამოეთიშა [VIDEO]

გიორგი შერმადინის "უნიკახა" ევროთასს გამოეთიშა. ქართველი ცენტრის გუნდმა გერმანულ "ალბას" მეოთხედფინალურ სერიაში პირველი მატჩი ბერლინში მოუგო, თუმცა მას შემდეგ ორჯერ ზედიზედ წააგო და ტურნირს გამოეთიშა.

სერიის მე-3, გადამწყვეტი შეხვედრა ბერლინში, 13 მარტს გაიმართა, რომელიც დაძაბულ ბრძოლაში მასპინძლებმა 79:75 მოიგეს და ნახევარფინალში გავიდნენ. შერმადინი კი, რომელიც ევროთასის გათამაშების სეზონის MVP-ის კანდიდატად მიიჩნეოდა, გათამაშებას გამოეთიშა და აღნიშნული ტიტულის მოგების შანსიც დაკარგა.

ქართველი ცენტრი თამაშში სათადარიგოთა სკამიდან ჩაერთო და 15:12 წუთში 8 ქულა, 2 მოხსნა, 1 ჩაჭრა და 2 დაფარება მიითვალა. გიორგიმ 3-ვე ორქულიანი და 2-ვე საჯარიმო ჩააგდო, ბურთი 2-ჯერ დაკარგა, ამდენივე პერსონალური ფოლი მიიღო, მის წინააღმდეგ კი 3-ჯერ დაჯარიმდნენ.

294
მკითხველის კომენტარები / 0 /
მსგავსი ამბები
რუბრიკის სხვა სიახლეები
;