MVP შერმადინის თითქმის დუბლი და გამარჯვება მადრიდში

ესპანეთის ჩემპიონატის 30-ე ტურის მატჩში გიორგი შერმადინის "უნიკახა" მადრიდის "ესტუდიანტესს" ესტუმრა. შეხვედრა თავიდან ბოლომდე თანაბარი იყო, თუმცა მატჩის უმეტეს დროში მალაგელები ლიდერობდნენ და დამსახურებულადაც გაიმარჯვეს - 80:72.

"უნიკახას" წარმატებაში დიდი წვლილი მიუძღვის გიორგი შერმადინს, რომალმაც 22 წუთში კინაღამ ორმაგი დუბლი შეასრულა: 12 ქულა, 8 მოხსნა, 1 პასი. გიომ 4 საჯარიმო და 8 ორქულიანი სტყორცნა, საიდანაც 4-4 ჩააგდო.

 სტუმართა ბომბარდირი 17 ქულიანი ვილტიერი გახდა, ხოლო მატჩისა - ესტუდიანტესის ამერიკელი ვიტინგტონი.

"უნიკახას" 18 მოგება, 12 წაგება აქვს და ცხრილში მეხუთე ადგილზეა.

***

ამავე ტურში ტენერიფეზე დამარცხდა თად მაკფადენის "ხუვენტუდი" - 72:79. 

საქართველოს ნაკრების ამერიკელმა უკანახაზელმა 16 წუთში 12 ქულა, 2 მოხსნა და 1 პასი მიითვალა. თადმა 6-დან 4 სამიანი ჩააგდო.

მის "ხუვენტუდს" 16 მოგება, 14 წაგება აქვს და მე-7 ადგილზეა.

ყოველდღიური სპორტული გაზეთი "ლელო"
763
მკითხველის კომენტარები / 0 /
მსგავსი ამბები
რუბრიკის სხვა სიახლეები
;