NBA: არც კარი, არც დურანტი... ფაჩულიამ და "გოლდენ სტეიტმა" წააგეს [VIDEO]

კევინ დურანტი და სტეფ კარი რა ძალას წარმოადგენენ კიდევ ერთხელ დავრწმუნდით. ეს მათ უთამაშებლად დაგვანახეს: ტრავმების გამო "გოლდენ სტეიტს" ვერ დაეხმარნენ და ოკლენდელებმაც ვერაფერი დააკლეს "საკრამენტო კინგსს" - საკუთარ "ორაკლ არენაზე" - 106:110.

გადამწყვეტი ტყორცნა საფინალო სირენამდე 12 წამით ადრე ბოგდან ბოგდანოვიჩმა ჩააგდო, 110:106 დააფიქსირა და მატჩიც მოიგო.

ზაზა ფაჩულია სასტარტო ხუთეულში იყო, 14 წუთში 3-3 ქულა-მოხსნა, 4 პასი და 1 ჩაჭრა მოაგროვა. მატჩის ბომბარდირობა კლეი ტომპსონმა იკისრა - 21 ქულა, ხოლო "საკრამენტოში" 19 ქულით საუკეთესო კალი-შტეინი გახდა.

"გოლდენ სტეიტი" მომდევნო მატჩს 29 ნოემბერს თბილისის დროით დილის 7:30 საათზე "ლეიკერსის" წინააღმდეგ გამართავს. სტეფ კარი ითამაშებს, კევინ დურანტის დაბრუნების თარიღი უცნობია.

2059
მკითხველის კომენტარები / 0 /
მსგავსი ამბები
რუბრიკის სხვა სიახლეები
;