NBA. ასე უნდა სტუმარ-მასპინძლობა?! ანტეტოკუნმპომ ზაზა ფაჩულიას კი მოუბოდიშა, მაგრამ... [VIDEO]

ზაზა ფაჩულიას "დეტროიტ პისტონსი" ბოლო დროს ამოიქოქა და თამაშს თამაშზე იგებს, თუმცა მილუოკიში სტუმრბა მეტად წარუმატებელი აღმოჩნდა. დეტროიტელები ზაზას ყოფილმა გუნდმა და მეგობრებმა 115:92 დაამარცხეს.

სტუმრები პირველ ტაიმში რომ ჩამორჩნენ, თამაშის შემოტრიალების შანსი არ ჰქონიათ. თავის მხრივ, ბევრს ეცადა ზაზა ფაჩულია, რომელიც სამი წლის წინათ სწორედ "მილუოკის" ღირსებას იცავდა და მისი დამსახურება იყო, გუნდი პლეი ოფში რომ გავიდა.

მაშინ იანის ანტეტოკუნმპო ახალბედა გახლდათ და დღესაც ამბობს, რომ ზაზა ძალიან დაეხმარა თავისი გამოცდილებით. მატჩის შემდეგ ეს ორი კალათბურთელი ფოტორეპორტიორებმა ერთად დააფიქსირეს - უნდა ვივარაუდოთ, რომ იანისმა ზაზას მოუბოდიშა კიდეც, მიჩიგანში პატივუცემლად რომ უშვებდა...

თანასის ანტეტოკუნმპო: საქართველოში მეგობრები მყავს, მაგრამ...

ანტეტოკუნმპომ 15 ქულა ჩააგდო, ხოლო ბლედსოუმ - 27. "დეტროიტში" ბლეიქ გრიფინი 31 ქულამდე ავიდა. ფაჩულიას მონაგარი ასეთი იყო: 18 წუთი, 8 ქულა, 5 მოხსნა, 1 პასი. ქართველმა ცენტრმა 3-დან 2 ორქულიანი და 6-დან 4 საჯარიმო ჩააგდო.

688
მკითხველის კომენტარები / 0 /
მსგავსი ამბები
რუბრიკის სხვა სიახლეები