NBA. ახალი წყვილები ახალ სეზონში - ყველაზე დამაინტრიგებელი ვარსკვლავური დუეტები

NBA-ის საუკეთესო გუნდებს ბრწყინვალე ვარსკვლავები ლიდერობენ, რომლებსაც შეუძლიათ მთელი გუნდი ათრიონ.

მაგრამ მართლაც გამორჩეულ გუნდებს მეორე ვარსკვლავური მოთამაშეებიც ჰყავთ, რომლებიც ნამდვილ პრობლემას უქმნიან მეტოქეებს. მაიკლ ჯორდანს ჰყავდა სკოტი პიპენი, შაკილ ო"ნილს - პენი ჰარდუეი, კობი ბრაიანტი და დუეინ უეიდი, ლებრონ ჯეიმსს დიდი სამეული "მაიამიში", შემდეგ კი ვარსკვლავური მეწყვილე კაირი ირვინგი "კლივლენდში".

დინამიური ვარსკვლავური დუეტები სულ უფრო მნიშვნელოვან როლს თამაშობენ თანამედროვე NBA-ში. მოახლოებული 2018-19 წლების სეზონი არ იქნება გამონაკლისი. აქ ჩამოთვლილი ვარსკვლავური წყვილები აუცილებლად მიიპყრობენ ყურადღებას, როცა ოქტომბერში დაიწყება ასოციაციის ახალი სეზონი.

7. ჯონ უოლი და დუაიტ ჰოვარდი (ვაშინგტონი)

დუაიტ ჰოვარდი მორიგ გუნდს შეუერთდა. ის გაემგზავრა დედაქალაქში მას შემდეგ, რაც მისი "თავი მოითხოვა" "ვაშინგტონის" ლიდერმა ჯონ უოლმა. მაგრამ, შეძლებენ თუ არა ისინი ერთად წარმატების მიღწევას? ორივე მოთამაშე განთქმულია არც ისე სახარბიელო ხასიათით.

იმ შემთხვევაშიც კი, თუ მათ არ გამოუვათ პირადი ურთიერთობა, "უიზარდსმა" უნდა წარმოაჩინოს თავი უფრო ხისტ გუნდად, ვიდრე გასულ სეზონში იყო. მთავარი მწვრთნელი სკოტ ბრუქსი ყურადღებით ადევნებს თვალს ჰოვარდსა და უოლს. ძალიან საინტერესოა, როგორ იპოვიან ისინი საერთო ენას.

6. რასელ უესტბრუკიდა პოლ ჯორჯი (ოკლაჰომა)

რასელ უესტბრუკი და პოლ ჯორჯი - საუკეთესო მეგობრები არიან მოედანზე და მის ფარგლებს გარეთ. პოლ ჯორჯმა საკმაოდ სწრაფად გადაწყვიტა "ოკლაჰომაში" დარჩენა მას შემდეგ, რაც თავისუფალი აგენტების ბაზარზე გავიდა. ეს მან დაადასტურა საღამოზე, რომელიც უესტბრუკმა მოაწყო.

ახლა, გუნდში აღარ არის კარმელო ენტონი, რომელიც არაეფექტური იყო და თავის წილ ყურადღებას ითხოვდა. მის გარეშე, ჯორჯსა და უესტბრუკს ექნებათ შესაძლებლობა - აჩვენონ თავიანთი რეალური პოტენციალი.

5. ლამარკუს ოლდრიჯი და დემარ დეროზანი (სან ანტონიო)

კარგი ამბავია ის, რომ დემარ დეროზანი ჯერ კიდევ "სან ანტონიოში" გადასვლამდე ახლოს იყო გუნდის ფორვარდთან რუდი გეისთან. ცუდი ამბავი ის არის, რომ დეროზანს ყველაზე მეტად "ტორონტო" უყვარდა და იქ დარჩენა სურდა.

"სპურსი" შარშანდელ სეზონში ლამარკუს ოლდრიჯის გუნდი იყო იმის გამო, რომ კავაი ლენარდმა ტრავმა მიიღო და იზოლირებული იყო გუნდისგან. ახლა, ოლდრიჯსა და დეროზანს მოუწევთ ერთად ცხოვრების სწავლა. "სპურსის" ორგანიზაციის სისტემამ მაქსიმალურად უნდა დააჩქაროს ეს პროცესი. დასავლეთი კონფერენცია ძალიან კონკურენტუნარიანია, მაგრამ "სან ანტონიო" ყოველთვის პოულობს ხერხს - მოიგოს მატჩები ნებისმიერი გარემოების მიუხედავად.

4. კავაი ლეონარდი და კაილ ლაური (ტორონტო)

ყველასთვის ცნობილია, რომ კაილ ლაური ყველაზე მეტად დემარ დეროზანთან მეგობრობდა. ისინი "ტორონტოს" შემადგენლობის ცენტრალური ფიგურები იყვნენ. მაგრამ, დეროზანი წავიდა და ის კავაი ლენარდმა შეცვალა. ამ ორმა უნდა ააწყოს ურთიერთობა, თუ სურთ სერიოზული კონკურენცია გაუწიონ აღმოსავლეთი კონფერენციის მთავარ ფავორიტებს - "ბოსტონსა" და "ფილადელფიას".

კიდევ უფრო მნიშვნელოვანია ის, რომ ლენარდი ბედნიერი უნდა იყოს კანადაში. და ამის გარანტიას ვერავინ იძლევა. ასე რომ, "ტორონტო" ყველაფრისთვის უნდა იყოს მზად, როცა საქმე ეხება ლაურისა და ლენარდს შორის ურთიერთობის დალაგებას.

3. კრის პოლი და კარმელო ენტონი (ჰიუსტონი)

13 სეზონის შემდეგ, ორი ახლო მეგობარი, როგორც იქნა, ერთად ითამაშებს. თუმცა, რეალური საკითხი მდგომარეობს იმაში - ეფექტურად შეავსებენ თუ არა ისინი ერთმანეთს. იქნება თუ არა "ჰიუსტონი" უკეთესი (ან უარესი) შარშანდელ სეზონთან შედარებით?

იპოვის თუ არა ენტონი საერთო ენას მთავარ მწვრთნელთან მაიკ დ"ენტონისთან, რომელთანაც კონფლიქტი ჰქონდა "ნიუ იორკში"? ამ კითხვებს პასუხი გაეცემა მომავალ სეზონში. "როკეტსს" ელოდება რეალურად გიჟური და ძნელად პროგნოზირებადი წელი.

2. კაირი ირვინგი და გორდონ ჰეივორდი (ბოსტონი)

"ბოსტონი" მოუთმენლად ელოდებოდა ამ დუეტის ურთიერთობას მოედანზე გასულ წელს, მაგრამ გორდონ ჰეივორდმა რეგულარული ჩემპიონატის პირველივე მატჩში უმძიმესი ტრავმა მიიღო და სეზონის ბოლომდე გამოვიდა მწყობრიდან. კაირი ირვინგმა სეზონის მეორე ნაწილში მიიღო დაზიანება, მაგრამ "სელტიქსი" მის დაკარგვასაც გაუმკლავდა.

შეგიძლიათ წარმოიდგინოთ პოტენციური წარმატება, რომლის ჩვენებაც გუნდს შეუძლია მომავალ სეზონში - როცა ირვინგი და ჰეივორდი ბოლომდე გამოჯანმრთელდებიან. განსაკუთრებით იმ ფაქტის გათვალისწინებით, რომ ლებრონ ჯეიმსი აღარ წარმოადგენს აღმოსავლეთ კონფერენციას.

1. ლებრონ ჯეიმსი და ლონზო ბოლი (ლეიკერსი)

ბევრი ამტკიცებს, რომ შჰოწტიმე-ის ეპოქა დაბრუნდა "ლოს ანჯელეს ლეიკერსში", როცა ლებრონ ჯეიმსი შეუერთდა ამ გუნდს. განსაკუთრებით იმის გათვალისწინებით, რომ მის გარშემო არიან ახალგაზრდა და ნიჭიერი მოთამაშეები. როგორც მექულე, ლონზო ბოლი ჩავარდა გასულ სეზონში, მაგრამ ახალბედამ რეალური პოტენციალი აჩვენა გამთამაშებლისა და მცველის რანგში.

ამიტომაც, მოუთმენლად ველოდებით - როგორ შეთამაშდება ის ლებრონ ჯეიმსთან. დიდი ალბათობით, მათგან ბევრ შოუს ვნახავთ მთელი სეზონის განმავლობაში.

ყოველდღიური სპორტული გაზეთი "ლელო"
1430
მკითხველის კომენტარები / 0 /
მსგავსი ამბები
რუბრიკის სხვა სიახლეები
;