NBA: 'გოლდენ სტეიტი' ჩემპიონობის დაკარგვის საფრთხის წინაშე [VIDEO]

ზაზა ფაჩულიას "გოლდენ სტეიტმა" დასავლეთის კონფერენციის ფინალში მეხუთე შეხვედრა ჰიუსტონში გამართა და 94:98 დამარცხდა.

ამ მოგებით ტეხასელებმა დიდი უპირატესობა მოიპოვეს, სერიაში 3:2 დაწინაურდნენ და ახლა ზაზას თანაგუნდელებს ორი მოგება სჭირდებათ, რომ NBA-ს ფინალში ითამაშონ, მაშინ, როცა "ჰიუსტონს" ერთი მოგებაღა ჰყოფნის.

დრამატული გამოდგა მატჩის ბოლო წუთები. საფინალო სირენამდე 1:21 წუთით ადრე გორდონმა სამქულიანით "ჰიუსტონი" 95:91 დააწინაურა. 6 წამში სამიანითვე უპასუხა გრინმა - 95:94. მას მერე, "გოლდენ სტეიტის" კალათბურთელებს გადასწრების არაერთი შანსი მიეცათ, მაგრამ ვერ გამოიყენეს. საფინალო ანგარიში კი ერიკ გორდონის ზუსტი საჯარიმოების შემდეგ დაფიქსირდა - 98:94.

დურანტმა 29 ქულა ჩააგდო, ტომპსონმა - 23, კარიმ - 22. "ჰიუსტონიდან" გორდონმა - 24, პოლმა - 20, ჰარდენმა - 19. ზაზა ფაჩულიას არ უთამაშია.

სერიის მეექვსე მატჩი ოკლენდში 27 მაისის დილას გაიმართება.

1911
მკითხველის კომენტარები / 0 /
მსგავსი ამბები
რუბრიკის სხვა სიახლეები
;