NBA: გოლდენ სტეიტმა პელიკანსს გადაუფრინა [VIDEO]

"გოლდენ სტეიტმა" სეზონის მეორე მაჩში 15-ქულიანი ჩამორჩენა აღმოფხვდა და ბოლო წუთებზე "ნიუ ორლეან პელიკანსს" 128:120 აჯობა. ქართველმა ცენტრმა ზაზა ფაჩულიამ მატჩი 8 ქულითა და 10 მოხსნით დაასრულა.

"გლდენ სტეიტმა" სეზონი "ჰიუსტონთან" წაგებით დაიწყო. მეორე მატჩი ნიუ ორლეანში "პელიკანსთან" ჰქონდა და ვერც ამ შეხვედრის სტარტი გამოუვიდა დამაჯერებელი - პირველივე პერიოდში დემარკუს კაზინსისა და ენტონი დევისის გუნდმა 39 ქულა ჩაუგდო (39:26).

მასპინძლების დომინირება მეორე პერიოდის შუამდე გაგრძელდა, "პელიკანსი" 57:42-ს იგებდა, როდესაც მოედანზე ზაზა ფაჩულია დაბრუნდა. თამაშს ვინც მიადევნა თვალი, დაგვეთანხმება, რომ ქართველი ცენტრის გამოსვლასთან ერთად "გოლდენ სტეიტის" დაცვა გამოსწორდა.

ვინც არ დაგვეთანხმება კონკეტულ მაგალითს მოვუყვანთ: მოედანზე ზაზას გამოჩენიდან ზუსტად ხუთ წუთში "უორიორსი" 22:4(!) გაიქცა. სწორეც ეს ეპიზოდი აღმოჩნდა გადამწყვეტი: დარჩენილ დროში თანაბარი ბრძოლა გაჩაღდა და ბოლო წუთებზე, როგორც ხშირად ხდება ხოლმე, "გოლდენ სტეიტის" სნაიპერებმა მატჩი თავის სასარგებლოდ გადაწყვიტეს.

საფინალო სირენამდე 1:10 წუთი რჩებოდა, როდესაც სტეფ კარიმ კლეი ტომპსონის პასით სამქულიანი ჩააგდო და წერტილიც დასვა - 124:116. მწვრთნელმა ზაზა ბოლო წუთებზეც ათამაშა.

კარიმ 28 ქულა ჩააგდო, დურანტმა 22 ქულა, 7 მოხსნა და 6 დაფარება მოაგროვა, ტომპსონმა - 31 ქულა. ზაზა ფაჩულიას მონაგარი ასეთი იყო: 21 წუთი, 8 ქულა (6/3 ორქულიანი, 2/2 საჯარიმო), 10 მოხსნა, 1 პასი. "ნიუ ორლეანს" ვერც კაზინსისა და ვერც დევისის 35-35-მა ქულამ უშველა.
საინტერესოა, რომ გუნდებმა მატჩში 34 სამქულიანი ჩააგდეს - 18 "გოლდენ სტეიტმა", 16 "პელიკანსმა".

ზაზას თანაგუნდელები მომდევნო შეხვედრას 22 ოქტომბერს, თბილისის დროით გამთენიისას, 4:00 საათზე მემფისში "გრიზლისთან" გამართავენ.

1577
მკითხველის კომენტარები / 0 /
მსგავსი ამბები
რუბრიკის სხვა სიახლეები