NBA: გოლდენ სტეიტმა ჰიუსტონს მეორე ტაიმში ჯოჯოხეთი მოუწყო [VIDEO]

"გოლდენ სტეიტი" დასავლეთის კონფერენციის ფინალში, ხუთი მატჩის შემდეგ 2:3 ჩამორჩებოდა "ჰიუსტონს". მეექვსე შეხვედრა ოკლენდში გაიმართა და პირველი ტაიმის შემდეგ "ჰიუსტონი" ლიგის ფინალსაც მიუახლოვდა - 39:22 დაწინაურდა.

მეორე თორმეტწუთეულში სტეფ კარიმ და კომპანიამ სიტუაცია ცოტა გამოასწორა, ხოლო მესამე-მეოთხე პერიოდებში მთლად გადაირია და დიდი შესვენების შემდეგ "როკეტსი" 64:25 დაამარცხა. 

საფინალო სირენამ ანგარიშად 115:86 დააფიქსირა.

საოცარი მატჩი გამართა კლეი ტომპსონმა, რომელმაც 14-დან 9 სამქულიანი ჩააგდო, საბოლოოდ კი 35 ქულა მოუგროვდა. სტეფ კარის 29 ქულა ჰქონდა, ხოლო კევინ დურანტს - 23. ზაზა ფაჩულიას მწვრთნელმა 3 წუთი არგუნა, რა დროშიც მან 2 მოხსნა  მოაგროვა.

ასე და ამგვარად, სერიაში ანგარიშია 3:3. გადამწყვეტი, მეშვიდე შეხვედრა 29 მაისს თბილისის დროით გამთენიისას შედგება.

1681
მკითხველის კომენტარები / 0 /
მსგავსი ამბები
რუბრიკის სხვა სიახლეები
;