[NBA] დაფასებული პარკერი

„სან ანტონიოსა“ და „მემფისის“ მატჩის წინ გაიმართა საზეიმო ცერემონია, რომელიც „სპურსის“ ფრანგ ლეგენდას ტონი პარკერს მიეძღვნა. კლუბმა ხმარებიდან ამოიღო მეცხრე ნომრიანი მაისურა, რომელიც პარკერს ეკუთვნოდა, რაც იმას ნიშნავს, რომ ამიერიდან, „სან ანტონიოში“ ვერც ერთი კალათბურთელი ვერ ითამაშებს მეცხრე ნომრით.

პარკერი „სპურსის“ მეათე კალათბურთელია, რომლის სათამაშო მაისურა საშინაო არენის თაღზე დაკიდეს. მანამდე ეს პატივი წილად ხვდათ: ბრიუს ბოუენს (12), ტიმ დანკანს (21), შონ ელიოტს (32), ჯორჯ გერვინს (44), მანუ ჯინობილის (20), ეივერი ჯონსონს (6), ჯონი მურს (00), დევიდ რობინსონსა (50) და ჯეიმს სილასს (13).

ტონი პარკერი „სან ანტონიომ“ 2011 წლის დრაფტზე 28-ე ნომრად აირჩია. ფრანგმა კლუბში 17 სეზონი გაატარა და ოთხჯერ გახდა NBA-ის ჩემპიონი. 2007 წელს, პარკერი პირველი ევროპელი გახდა ისტორიაში, ვინც ფინალური სერიის MVP-ის ტიტულს დაეუფლა.

312
მკითხველის კომენტარები / 0 /
მსგავსი ამბები
რუბრიკის სხვა სიახლეები
;