NBA: ვინ თქვა კუკი კაციჭამიებმა შეჭამესო?! ფაჩულიას +21 [VIDEO]

 "გოლდენ სტეიტმა" "საკრამენტოსთან" წაგების შემდეგ შეუსვენებლივ, მეორე დღეს ითამაშა "ფინიქსთან" და მეტოქე 15 ქულის სხვაობით დაამარცხა - 124:109.

კევინ დურანტის, სტეფ კარისა და კლეი ტომპსონის გარეშე სულ სხვა გუნდია, მაგრამ როგორც ზაზა ამბობს, სისტემა ისეა აწყობილი, თამაში ყოველთვის იმ კალაპოტში მიდის, როგორშიც მწვრთნელებს სურთ.

ლიდერების არყოფნაში თავი გამოიდო ქუინ კუკმა... არადა, წერენ, თითქოს, კუკი ოკეანეთში კანიბალებმა შეჭამესო... ქუინმა 28 ქულა ჩააგდო, აქედან 15 ქულა 7 სამქულიანი ტყორცნის შედეგი იყო. თავიდან ნამდვილად არ ჩანდა იგი "გოლდენ სტეიტის" დონის კალათბურთელი, მაგრამ დღეს კიდევ ერთხელ შეგვიძლია ვთქვათ: ამ გუნდის მწვრთნელები არჩევანში არასოდეს ცდებიან...

ზაზა ფაჩულია კვლავ სასტარტო ხუთეულში იყო, მოედანზე 17 წუთი გაატარა, 2-2 ქულა-პასი, 7 მოხსნა და 1 ჩაჭრა მოაგროვა. როდესაც იგი მოედანზე იყო, "მეომრები" +21-ით დაწინაურდნენ.

"გოლდენ სტეიტს" 53 მოგება, 17 წაგება აქვს და დასავლეთის კონფერენციაში მე-2 ადგილზეა. "ჰიუსტონი" 2 გამარჯვებით უსწრებს. ზაზას გუნდი მომდევნო მატჩს 20 მარტს, შინ, "სან ანტონიოს" წინააღმდეგ გამართავს.

2729
მკითხველის კომენტარები / 0 /
მსგავსი ამბები
რუბრიკის სხვა სიახლეები